BSE સેન્સેક્સમાં 267 પોઈન્ટનો ઉછાળો

IIP ના અપેક્ષાથી સારા આંકડાને પગલે આજે મુંબઈ શેરબજાર 1.39 ટકા વધીને બંધ રહ્યું હતું. દિવસ દરમિયાન BSE સેન્સેક્સ ઉપરમાં 19,537.40 અને નીચામાં 19,074.57 પોઈન્ટની રેન્જમાં ટ્રેડ થયા બાદ 266.53 પોઈન્ટ વધીને 19,508.89 પોઈન્ટની સપાટીએ બંધ રહ્યો હતો. નેશનલ સ્ટોક એક્સચેંજનો નિફ્ટી 5,865.50 અને 5,721.15 પોઈન્ટની સપાટી વચ્ચે ટ્રેડ થયા બાદ 90.85 પોઈન્ટ વધીને 5,857.35 પોઈન્ટની સપાટીએ બંધ રહ્યો હતો. BSE મિડકેપ અને BSE સ્મોલકેપ ઈન્ડેક્સ અનુક્રમે 2.02 ટકા વધીને અને 2.36 ટકા વધીને બંધ રહ્યા હતા.