BSE સેન્સેક્સમાં 198 પોઈન્ટનું ગાબડું

રેટ સેન્સિટિવ શેરોમાં વેચવાલીથી મુંબઈ શેરબજાર આજે રેડ ઝોનમાં બંધ રહ્યું હતું. દિવસ દરમિયાન BSE સેન્સેક્સ ઉપરમાં 20,509.95 અને નીચામાં 20,243.95 પોઈન્ટની રેન્જમાં ટ્રેડ થયા બાદ 197.62 પોઈન્ટ ઘટીને 20301.10 પોઈન્ટની સપાટીએ બંધ રહ્યો હતો.

વૈશ્વિક બજારોમાં નરમાઈ અને આરબીઆઈની બેઠક અગાઉ રેટ સેન્સિટિવ શેરોમાં રોકાણકારોએ વેચવાલી કરતાં સેન્સેક્સ ગગડ્યો હતો.

નેશનલ સ્ટોક એક્સચેંજનો નિફ્ટી 6,141.35 અને 6,062.35 પોઈન્ટ વચ્ચે અથડાયા બાદ 66.55 પોઈન્ટ ઘટીને 6079.80 પોઈન્ટની સપાટીએ બંધ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 1.27 ટકા અને 1.02 ટકા ઘટીને બંધ રહ્યા હતા.

આજે અન્ય સેક્ટોરલ ઈન્ડાઈસિસમાં BSE બેન્કેક્સ 2.19 ટકા , BSE રિયલ્ટી ઈન્ડેક્સ 2.03 ટકા અને BSE ઓટો ઈન્ડેક્સ 1.95 ટકા ઘટ્યા હતા.

આ વર્ષમાં સારા મિડ-કેપ શેરો ઝળકશે

શેર દલાલો કેટલાક એવા ફંડામેન્ટલી મજબૂત મિડ-કેપ શેરોની ભલામણ કરી રહ્યા છે જેઓ તેમના ભાવમાં ગરબડ થયાના આક્ષેપો પછી તૂટી ગયા હતા અને તેનાથી બજારના સેન્ટિમેન્ટ પર અસર થઇ હતી. અર્થતંત્ર માટે આ વર્ષે 8.5 ટકા વૃદ્ધિનો અંદાજ મૂકવામાં આવ્યો છે અને વૃદ્ધિમાં વેગ આવ્યો હોવાથી અનેક શેર દલાલો મિડ-કેપ કંપનીઓ અને વ્યાપક રીતે ઉદ્યોગની તકો માટે આશાવાદી છે. વેટુવેલ્થ બ્રોકર્સના પીએમએસ હેડ , આલોક રંજને જણાવ્યું હતું કે , આ વર્ષ મિડ-કેપનું રહેવાનું છે. રોકાણકારો વધતા દરેક શેરને જોવાના બદલે તેમના પોર્ટફોલિયોમાં યોગ્ય શેરોને પસંદ કરે તો તેમના માટે સારું રહેશે. આ બ્રોકિંગ કંપની ઇન્ફર્મેશન ટેકનોલોજી , સિમેન્ટ , સ્થાનિક વપરાશ અને ઓટોમોબાઇલ જેવા ક્ષેત્રો માટે તેજીનું વલણ ધરાવે છે. જોકે , રંજન નાના રોકાણકારો માટે સાવચેતીનો સૂર કાઢતા જણાવે છે કે તેમણે મિડ-કેપ શેરોમાં રોકાણ કરવામાં સાવચેતી રાખવાની જરૂર છે , કેમકે કેટલાક કાઉન્ટર્સમાં કોઇ વાજબી કારણ વિના જ પુષ્કળ પ્રવૃત્તિ થતી હોય છે. તેમણે એવા સલામત શેરોમાં જ રોકાણ કરવું જોઇએ કે જેમાં કંપની તેની કામગીરી અને ડિવિડન્ડ ચુકવણીનો મજબૂત ટ્રેક રેકોર્ડ ધરાવતી હોય અને તેના મેનેજમેન્ટની પ્રતિષ્ઠા સારી હોય. અત્યારે ઘણા મિડ-કેપ શેરો તેમના ટોચના મૂલ્યોથી ઘણા નીચા ભાવે મળે છે. કેટલાક કિસ્સામાં તો શેરનો ભાવ ઘણો નીચો હોય છે. બીએસઇ મિડકેપ ઇન્ડેક્સે નવેમ્બરમાં તેની 52- સપ્તાહની ઊંચી સપાટી બનાવી હતી , તે પછી અત્યારે તે 10 ટકા નીચા સ્તરે છે. આ ઇન્ડેક્સના 283 શેરોમાંથી 118 જેટલા શેરો કડાકા અગાઉની તેમની કિંમતોથી અત્યારે 10 ટકાથી 84 ટકા નીચે ચાલી રહ્યા છે. જેમના પર ભાવમાં ચાલાકી થયાના આક્ષેપો છે તેવી કંપનીઓના શેરો સિવાય યાદીમાં અન્ય કેટલીક મજબૂત કંપનીઓના શેરો પણ સામેલ છે , જેઓ સેબીની કડક કાર્યવાહીના કારણે આવેલા કડાકામાં ગબડ્યા છે. ઇન્ડિયાબુલ્સ સિક્યોરિટીઝના સીઇઓ દિવ્યેશ શાહે જણાવ્યું હતું કે , આ વર્ષમાં મિડ-કેપ્સની માગ રહેશે. લાર્જ-કેપના ઘટી રહેલા દેખાવ વચ્ચે અમે આ શેરોમાં પ્રવૃત્તિ વધતી જોઇ શકીએ છીએ. જોકે , તેમણે કહ્યું હતું કે જેમના મૂલ્યો વાજબી હશે અને નફાવૃદ્ધિની શક્યતા અને સારું મેનેજમેન્ટ હશે તેવી કંપનીઓ પર બધાનું ધ્યાન પડશે. કેટલીક નાની આઇટી કંપનીઓ , શિક્ષણ અને રીયલ્ટી કંપનીઓ ચાલુ વર્ષે સંભવિત વિજેતા હોઇ શકે છે. 2010 માં બીએસઇ મિડ - કેપ ઇન્ડેક્સ સેન્સેક્સની 16.8 ટકા વૃદ્ધિ સામે 14.5 ટકા વૃદ્ધિ નોંધાવીને થોડો નબળો રહ્યો હતો . જોકે , અગાઉના વર્ષોમાં આ ઇન્ડેક્સે ચડિયાતું વળતર આપ્યું હતું . ફોર્ચ્યુન ફાઇનાન્શિયલ સર્વિસીસના જોઇન્ટ મેનેજિંગ ડિરેક્ટર અને ગ્રુપ સીઇઓ દિવેશ કુમારના જણાવ્યા અનુસાર , તાજેતરમાં કિંમતોમાં ગેરરીતિના આક્ષેપો પછી રોકાણકારો તેમાં રોકાણ કરવાથી દૂર રહેવા લાગ્યા છે , તેથી મિડ - કેપ બાઉન્સ થતા થોડોક સમય લાગશે . બજાર મે પછી તાકાત બતાવશે અને ત્યારે મિડ - કેપ શેરોમાં સારો સુધારો જોવા મળશે.

અમૂલ દૂધના ભાવમાં લિટરદીઠ 2 રૂપિયાનો વધારો

અમદાવાદ : શાકભાજી બાદ હવે દૂધના ભાવમાં વધારો થશે. અમૂલ બ્રાન્ડ હેઠળ વિવિધ ડેરી પ્રોડક્ટ્સનું વેચાણ કરતી રાજ્યની સૌથી મોટી દૂધ ઉત્પાદક ગુજરાત કોઓપરેટિવ મિલ્ક માર્કેટિંગ ફેડરેશન (જીસીએમએમએફ)એ સમગ્ર દેશમાં તેના દૂધના ભાવમાં લિટર દીઠ રૂ. 2 નો વધારો કરવાની જાહેરાત કરી છે.

જીસીએમએમએફના મેનેજિંગ ડિરેક્ટર આર એસ સોઢીએ જણાવ્યું હતું કે , '' અમે અમારી વિવિધ બ્રાન્ડ્સમાં રૂ. 1 થી રૂ. 2 નો વધારો કર્યો છે.

આ ભાવવધારો ગુજરાત અને દિલ્હીમાં 30 ડિસેમ્બરથી અને દેશના બાકીના ભાગમાં 3 જાન્યુઆરીથી અમલમાં આવશે.તેમણે જણાવ્યું હતું કે , અમારી ગોલ્ડ અને શક્તિ બ્રાન્ડની કિંમતમાં લિટર દીઠ રૂ. 2 નો વધારો થશે તાઝા અને સ્લિમ એન્ડ ટ્રીમના ભાવમાં લિટર દીઠ રૂ. 1 નો વધારો થશે.

34 ભાવવધારા બાદ મુંબઈ , દિલ્હી , કોલકાતા અને ગુજરાતના કેટલાક જિલ્લામાં અમૂલ-ગોલ્ડની કિંમત પ્રતિ લિટર રૂ. 34 થશે , જ્યારે શક્તિ , તાઝા અને સ્લિમ એન્ડ ટ્રિમની કિંમત લિટર દીઠ રૂ. 30, રૂ. 25 અને રૂ. 23 થશે. મુંબઈમાં તાઝા બ્રાન્ડની કિંમતમાં લિટર દીઠ માત્ર રૂ. 1 નો વધારો થશે કારણ કે ત્યાં ગોલ્ડની કિંમત પહેલેથી રૂ. પ્રતિ લિટર છે.

કોલકાતામાં ગોલ્ડની કિંમતમાં લિટર દીઠ રૂ. 2 અને તાઝાની કિંમતમાં લિટર દીઠ રૂ. 2 નો વધારો થશે. ત્યાં આ ભાવવધારો 3 જાન્યુઆરીથી અમલી બનશે.

જીસીએમએમએફે ચાલુ વર્ષમાં ત્રીજી વખત ભાવવધારો કર્યો છે. અગાઉ ફેડરેશને ફેબ્રુઆરી અને જુલાઈમાં ભાવવધારો કર્યો હતો.

સોઢીએ જણાવ્યું હતું કે , અમારે દૂધની કિંમત વધારવાની ફરજ પડી છે કારણ કે દૂધ ઉત્પાદકો ફુગાવાના ભારે દબાણ હેઠળ જીવી રહ્યા છે. પશુઆહાર , શ્રમ , ઈંધણ અને ગેસની કિંમત પણ વધી છે.

તેમણે જણાવ્યું હતું કે , ગુજરાતમાં અમે માત્ર અમદાવાદ અને સૌરાષ્ટ્રમાં જ ભાવવધારો કરી રહ્યા છીએ. ફેડરેશનના યુનિયનના અન્ય સભ્યો (વ્યક્તિગત ડેરીઓ) તેમના જિલ્લામાં ભાવવધારા અંગે નિર્ણય લેશે.

જીસીએમએમએફ નવી દિલ્હી , કોલકાતા અને મુંબઈમાં કુલ દૈનિક 27 થી 29 લાખ લિટર દૂધ સપ્લાય કરે છે.

3.32 ફેડરેશન 13 જિલ્લા સહકારીઓના નેટવર્ક સાથે 29 લાખ દૂધ ઉત્પાદકો ધરાવે છે. ફેડરેશન દૈનિક 91 લાખ લિટર દૂધની ખરીદી કરે છે અને રૂ. 8,000 કરોડનું ટર્નઓવર ધરાવે છે. 2009-'10 માં ફેડરેશનનું કુલ દૂધ કલેક્શન અબજનું છે.

અમદાવાદમાં હોટેલ ઓક્યુપન્સીમાં ઘટાડો થશે

અમદાવાદ : હોટેલિયર્સમાં ભાવ યુધ્ધ ફાટી નીકળવાની શક્યતા છે. અમદાવાદમાં અનેક દેશોમાં હાજરી ધરાવતી રેડિસન , ફોર પોઈન્ટ શેરટોન અને ક્રાઉની પ્લાઝા આગામી બે વર્ષમાં સક્રિય થઈ રહી છે ત્યારે 2012 સુધીમાં શહેરમાં 1600 નવા રૂમનો પુરવઠો આવતા ઓક્યુપન્સી દર ઘટીને 36 ટકા થશે , તેમ વૈશ્વિક રિયલ એસ્ટેટ કન્સલ્ટન્ટ નાઈટ ફ્રેન્કનો તાજેતરનો અહેવાલ સૂચવે છે.

અહેવાલમાં જણાવાયું છે કે હોસ્પિટાલિટી સેક્ટરમાં સ્પર્ધા તીવ્ર બનશે જેને પગલે ઓક્યુપન્સી અને એવરેજ રૂમ રેન્ટલ(એઆરઆર)માં ઘટાડા તરફી દબાણ આવશે.

એઆરઆર અત્યારના 3756 રૂપિયાના સ્તરથી ઘટે તેવી શક્યતા છે. દેશના અન્ય મુખ્ય શહેરો કે જ્યાં રૂમની માંગનું મુખ્ય ચાલકબળ વિદેશી પ્રવાસીઓ છે તેનાથી વિપરિત અમદાવાદમાં તે સ્થાનિક પ્રવાસીઓ છે તેનાથી વિપરિત અમદાવાદમાં તે સ્થાનિક પ્રવાસી સેગમેન્ટ આધારિત છે.

રૂમનો આ નવો પુરવઠો માંગ કરતાં વધુ હશે. રૂમની દૈનિક માંગ 2010 ની 860 થી વધીને 2013 માં 1158 થશે તેની સામે 2013 માં નવો પુરવઠો આવ્યા બાદ રૂમની સંખ્યા હાલના 1789 રૂમથી વધીને 2013 થશે.

અમદાવાદમાં ક્રાઉની પ્લાઝા હોટેલનું નિર્માણ કરી રહેલી સાવી ઈન્ફ્રાસ્ટ્રક્ચરના વડા જક્ષય શાહ જણાવે છે કે શહેરમાં હોટેલ રૂમની હંમેશા માંગ રહેશે જે કન્વેન્શન્સ , કાર્યક્રમો અને બિઝનેસ મિટિંગોમાં ભાગ લેવા શહેરની મુલાકાત લઈ રહ્યા છે.

ચાંદી નવી ઊંચી સપાટીએઃ સોનામાં સુધારો

મુંબઈઃ ચાંદીના ભાવ સોમવારે નવી ઊંચી સપાટીએ પહોંચ્યા છે. સટોડિયા અને સ્ટોકિસ્ટ્સની લેવાલી તેમજ ઔદ્યોગિક માગને પગલે મજબૂત વૈશ્વિક પ્રવાહ વચ્ચે ચાંદીમાં સુધારો નોંધાયો હતો.

350 99.5) સોનું પણ લગ્ન સિઝનની માગ અને સ્થાનિક ખરીદીને પગલે વધ્યું હતું. હાજર ચાંદી (શુદ્ધતા . 999) પ્રતિ કિગ્રા રૂ. ઊછળી ગયા શનિવારના રૂ. 47,120 ના બંધ સામે રૂ. 47,560 ના મથાળે બંધ રહી હતી. સ્ટાન્ડર્ડ સોનું (શુદ્ધતા પ્રતિ 10 ગ્રામ રૂ. 35 વધીને રૂ. 20,680 ના સ્તરે પહોંચ્યું હતું.

શુદ્ધ સોનું (શુદ્ધતા 99.9) રૂ. 35 વધીને પ્રતિ 10 ગ્રામ રૂ. 20,780 ના મથાળે પહોંચ્યું હતું. યુરો ઝોન ડેટ સમસ્યા અને વિકાસશીલ દેશોમાં ફુગાવાની ચિંતાને પગલે યુરોપમાં સોના-ચાંદીમાં સુધારાની ચાલ જોવા મળી હતી.

સિટી બેન્ક કૌભાંડમાં હીરો ગ્રૂપના વરિષ્ઠ અધિકારીની ધરપકડ

સિટી બેન્કના કૌભાંડમાં પોલીસે સોમવારે હીરો ગ્રૂપના વરિષ્ઠ અધિકારી સંજય ગુપ્તાની ધરપકડ કરી હતી. હીરોના અધિકારીએ ગ્રૂપ કંપનીના પ્રમોટર્સના રૂ. 250 કરોડનું રોકાણ સિટી બેન્કની કથિત સ્કીમમાં કર્યું હતું.

હીરો કોર્પોરેટ સર્વિસિસમાં ગુપ્તા એસોસિએટ વાઇસ પ્રેસિડન્ટ તરીકે કામ કરે છે. ગુડગાંવના પોલીસ કમિશનર એસ એસ દેસવાલે જણાવ્યું હતું કે , ગુપ્તાએ હીરો ગ્રૂપની વિવિધ કંપનીઓ અને તેના પ્રમોટર્સના રૂ. 250 કરોડનું રોકાણ કર્યું હતું.

આ માટે ગુપ્તાએ બે ફાઇનાન્સ કંપનીઓ- બી જી ફાઇનાન્સ અને જીટુએસ કન્સલ્ટન્સીની રચના કરી હતી અને રકમના રોકાણ માટે સિટી બેન્કના અધિકારી પુરી પાસેથી કમિશન પેટે રૂ. 20 કરોડ મેળવ્યા હતા.

સિટી બેન્કની ગુડગાંવ શાખામાં રિલેશનશિપ મેનેજર તરીકે કામ કરતા પુરીએ સેબીના બનાવટી પત્રના આધારે લોકોને 18 ટકા જેટલું ઊંચું વળતર આપવાની ખાતરી આપી ઇન્વેસ્ટમેન્ટ પ્રોડક્ટ વેચી હતી. તેની ગયા સપ્તાહમાં ધરપકડ થઈ હતી અને એક સપ્તાહ માટે પોલીસ કસ્ટડીમાં મોકલી દેવાયો હતો.

પોલીસે જણાવ્યા પ્રમાણે હીરો ગ્રૂપના કેટલાક કર્મચારીઓ અને પ્રમોટર્સે શિવરાજ પુરીની સ્કીમ્સમાં રોકાણ કર્યું છે. જોકે રોકાણકારોના નામ અને રોકાણનું ચોક્કસ પ્રમાણ જાણી શકાયું નથી.

ગુપ્તાની ધરપકડ બાદ પોલીસે તેની 10 દિવસની કસ્ટડી માંગી હતી , પરંતુ ચીફ જ્યુડિશિયલ મેજિસ્ટ્રેટ કમ એડિશનલ સિવિલ જજ (સિનિયર ડિવિઝન) ડી એન ભારદ્વાજે માત્ર પાંચ દિવસની પોલીસ કસ્ટડી મંજૂર કરી હતી.

પોલીસે અગાઉ ઇન્ડિયન પિનલ કોડની સેક્શન 120 બી હેઠળ તેની ધરપકડ કરી હતી જે ફોજદારી કૌભાંડ સંબંધિત છે. પોલીસે ગયા સપ્તાહમાં ગુપ્તાને શિવરાજ પુરી સાથે પૂછપરછ માટે બોલાવ્યો હતો જે સિટી બેન્કના રૂ. 300 કરોડના કૌભાંડમાં મુખ્ય આરોપી છે. દેસવાલે જણાવ્યું હતું કે , પુરીએ સ્વીકાર્યું હતું કે સેબીના બનાવટી પત્ર વિશે ગુપ્તાને જાણકારી હતી. સેબીના પત્રના આધારે હાઈ નેટવર્થ ક્લાયન્ટ્સને નાણાં રોકવા માટે લલચાવવામાં આવ્યા હતા.

દેસવાલે જણાવ્યું હતું કે અન્ય ત્રણ શકમંદ પુરીના દાદા દાદી પ્રેમનાથ ( ઉ . વ . 92) અને શીલા પ્રેમનાથ ( ઉ . વ . 86) અને પુરીની માતા દિક્ષા પુરીની ધરપકડ કરવામાં આવી નથી કારણ કે તેમની સામેલગીરી નગણ્ય જણાય છે .

ગયા સપ્તાહમાં બ્રિજમોહનલાલ મુંજાલની આગેવાની હેઠળના હીરો ગ્રૂપે સ્વીકાર્યું હતું કે તેની સાથે રૂ . 28.75 કરોડની છેતરપિંડી થઈ છે . ગ્રૂપે દાવો કર્યો છે કે તેની મુખ્ય કંપની હીરો હોન્ડાને આ છેતરપિંડી સાથે કોઈ લેવાદેવા નથી .

, પરંતુ અન્ય પેટા કંપનીઓ હીરો કોર્પોરેટ સર્વિસિસ , રોકમેન સાઇકલ્સ ઇન્ડસ્ટ્રીઝ , હીરો માઇન્ડમાઇન ઇન્સ્ટિટ્યૂટ ઇઝી બિલ અને હીરો મેનેજમેન્ટ સર્વિસિસને કૌભાંડની અસર થઈ છે કે નહીં તે વિશે મેનેજમેન્ટે ચુપકીદી સેવી છે .

જોકે ગુપ્તાના વકીલ સી એલ કક્કડે કોર્ટમાં જણાવ્યું હતું કે ગુપ્તા આરોપી નથી , પરંતુ ભોગ બનેલી વ્યક્તિ છે અને જરૂર પડે તો તે સાક્ષી બની શકે છે .

દેસવાલે અગાઉ જણાવ્યું હતું કે નાણાંનો મોટા ભાગનો હિસ્સો બ્રોકરેજ કંપનીઓ રેલિગેર અને બોનાન્ઝાને મળ્યો હતો જેના અધિકારીઓને પણ પૂછપરછ માટે બોલાવવામાં આવ્યા હતા

चांदी का नया रिकॉर्ड, सोना फिसला

चांदी की कीमतें हर रोज नए रिकॉर्ड बना रहीं हैं। घरेलू बाजार के हाजिर में चांदी 47,100 रुपये पर पहुंची। वहीं, एमसीएक्स पर चांदी ने 46,383 रुपये के रिकॉर्ड स्तर को छुआ। अंतर्राष्ट्रीय बाजार में चांदी 31 डॉलर के करीब पहुंच गई है।

अमेरिका में बेरोजगारी घटने से सोने में हल्की कमजोरी का रुख रहा। लेकिन, सोने की कीमतें अब भी 1,400 डॉलर के ऊपर बनी हुई हैं। घरेलू बाजार में सोना 20,713 रुपये पर है।