YOUTUBEની આ ઉપયોગી 10 સિક્રેટ Tips and Tricks

 Youtubeનો ઉપયોગ તો દરેક ઇન્ટરનેટ યૂઝર્સ કરે છે, Youtube એક બેસ્ટ વીડિયો સર્વિસ છે અને યૂઝર્સ તેના પરથી પોતાના મનગમતા વીડિયો દેખી-સાંભળી શકે છે. પણ શું તમે જાણે છો કે Youtube વીડિયોઝના URLમાં થોડો ફેરફાર કરવામાં આવે તો આપણે ઘણબધા કામ કરી શકીએ છીએ. આ આર્ટીકલમાં divyabhaskar.com તમને બતાવી રહ્યું છે Youtubeની કેટલીક ખાસ સિક્રેટ Tips અને Tricks જે તમે કદાચ નહીં જાણતા હોય.

1. કોઇપણ સોફ્ટવેર વગર વીડિયો ડાઉનલોડ કરી શકો છો

 

Youtube પરથી તમે સરળતાથી વીડિયો ડાઉનલોડ કરી શકો છો, આ માટે કોઇ સોફ્ટવેર ડાઉનલોડ કરવાની જરૂર નથી. એટલું જ નહીં MP3 ફાઇલ્સને પણ ડાઉનલોડ કરી શકાય છે. આમ કરવા માટે URLમાં માત્ર થોડો ફેરફાર જ કરવો પડે છે. 

 

કોઇપણ વીડિયો ડાઉનલોડ કરવા માટે તમારે તેના URLની સામે PWN લખવું પડશે. આમ કર્યા પહેલા URLમાંથી http:// અથવા https:// આગળથી કાઢી નાંખવું પડશે. 

 

ઉદાહરણ
www.youtube.com/watch?v=9yZDsep3IBA

 

આ વીડિયોનો URL આવો બની જશે 
www.pwnyoutube.com/watch?v=9yZDsep3IBA

2. Youtubeમાં સર્ચ બોક્સમાં 'Use the force Luke' ટાઇપ કરીને Enter દબાવો, Enter પ્રેસ કરવાની સાથે જ Youtube પેજ વીયર્ડ જેવું બિહેવ કરવા લાગશે.

3. Youtubeમાં 'Beam me up Scotty' ટાઇપ કરીને Enter પ્રેસ કરો, આમ કરવાથી પેજ અલગ રીતે રીતે ખુલશે. 

4. Youtube SHORTCUTS 

 

Youtubeમાં કેટલાક શોર્ટકટ્સ પણ હોય છે જેનો તમે ઉપયોગ કરી શકો છો.

 

* J – વીડિયો પ્લે થાય ત્યારે J પ્રેસ કરવાથી વીડિયો 10 સેકન્ડ માટે રિવાઇન્ડ થઇ જાય છે. 

 

* K – કી-બોર્ડ પર K પ્રેસ કરવાથી વીડિયો પ્લે કે પોઝ કરી શકાય છે. 

 

* L – કી-બોર્ડમાં L દબાવવાથી વીડિયોને 10 સેકન્ડ માટે ફોરવર્ડ કરી શકાય છે. 

 

* M – વીડિયોને મ્યૂટ કરવા માટે તમે M દબાવી શકો છો. 

5. Youtubeને કલરફૂલ બનાવવા માટે 

 

Youtubeના સર્ચ બોક્સ પર 'doge meme' ટાઇપ કરવું. 

6. Youtubeના વીડિયોને GIFમાં ફેરવવા માટે

 

Youtubeના વીડિયોને GIF પણ બનાવી શકાય, GIF બનાવવા માટે યૂઝર્સે Youtubeમાં "www." અને "YouTube"ના વચ્ચે gif લખવું પડશે. આમ કરવાથી 1 સેકન્ડથી લઇને 15 સેકન્ડ સુધીની GIF ઇમેજ બની શકે છે. 

 

ઉદાહારણ માટે URL-
www.youtube.com/watch?v=uRYfwqEvwDU

આવું બની જશે 
www.gifyoutube.com/watch?v=uRYfwqEvwDU

7. વીડિયો સ્ટાર્ટ થવાનો ટાઇમ સેટ કરી શકાય

 

યૂઝર્સ કોઇ વીડિયોને સ્ટાર્ટીંગથી જોવા માગતો ના હોય અને ચોક્કસ ટાઇમ પછી જ જોવા માંગતો હોય તો તેના માટે ટાઇમ સેટ કરી શકે છે. 

 

કોઇ વીડિયો 6 મિનીટનો છે અને તમારે તેને 1 મિનીટ 2 સેકન્ડથી જોવો છે, તો તેના માટે youtubeના URLમાં '#t=1m2s' ટાઇપ કરવું પડશે.

 

ઉદાહરણ
https://www.youtube.com/watch?v=0GojJnrqpeE

 

વીડિયો URL આવો થઇ જશે 
https://www.youtube.com/watch?v=0GojJnrqpeE#t=1m2s

8. હાઇ-ડેફિનેશન વીડિયો જોવા માટે 

 

Youtube યૂઝર્સને હાઇ-ડેફિનેશન વીડિયો જોવા માટેનો પણ ઓપ્શન આપે છે. આથી તમે Youtube વીડિયો ડિફોલ્ટ ક્વૉલિટીથી અલગ કામ કરી શકે છો. 

 

એક ખાસ Youtube એક્સટેન્શનનો ઉપયોગ કરવો પડશે

Magic Actions for Youtube  

યૂઝર્સે ઉપરનું એક્સટેન્શન ડાઉનલોડ કરવું પડશે. ત્યારબાદ કોઇપણ વીડિયો પ્લે કરતી વખતે નીચે મેજિક એક્શનબાર દેખાશે જેના સેટિંગ્સથી ઓટો એચડી મોડ પર વીડિયો સેટ કરી શકાય છે. આ એક્સટેન્શન માત્ર ક્રોમ અને ફાયરફોક્સ પર જ કામ કરશે. 

9. Youtube વીડિયોને મ્યૂઝીક ફોર્મમાં ડાઉનલોડ કરવા માટે 

 

તમે Youtube વીડિયોને મ્યૂઝીક ફોર્મમાં પણ ડાઉનલોડ કરી શકો છો, આના માટે એક URL ટ્રીક છે. તમારે URLમાં "www." અને "YouTube"ની વચ્ચે listento લખવું પડશે. 

 

ઉદાહરણ માટે URL-
www.youtube.com/watch?v=uRYfwqEvwDU

 

URL આવું દેખાશે
www.listentoyoutube.com/watch?v=uRYfwqEvwDU

10. Youtubeથી MP3 ડાઉનલોડ કરવા માટે

 

આગળની સ્લાઇડ્સમાં આપેલી ટ્રીક બાદ તમે મનપસંદ ફોર્મેટમાં વીડિયો ડાઉનલોડ કરી શકો છો. આ પેજ દ્વારા વીડિયોને MP3 ફાઇલ્સમાં કન્વર્ટ કરી શકાય છે. વીડિયો URLમાં PWN લખવાની સાથે જ એક બીજી સાઇટ ખુલશે, તેમાં ઉપર વીડિયો ડાઉનલોડ કરવાના ઓપ્શન હશે અને નીચે વીડીયોને MP3માં કન્વર્ટ કરવાનો ઓપ્શન હશે. (ફોટોમાં બતાવ્યું છે તેવી રીતે)

 

MP3મા કન્વર્ટ કરવા માટે વેબસાઇટમાંથી આપેલા ઓપ્શનમાંથી કોઇ એક ઓપ્શનને સિલેક્ટ કરવું પડશે, કન્વર્ટ થઇ ગયા તેને પીસીમાં સેવ કરી શકો છો.

7 એવી CURRENCIES જે ડોલર પર ભારે પડે છે

વિશ્વભરમાં ડોલર સૌથી મજબૂત કરન્સી તરીકે ઓળખાય છે. અમેરિકન ડોલર સતત સારૂ પ્રદર્શન કરવાથી અન્ય ચલણની સ્થિતિ નબળી પડી છે. જોકે, પાછલા કેટલાક દિવસોમાં રૂપિયામાં સુધારો જરૂર જોવા મળ્યો છે. ડોલરની સામે રૂપિયો 63.48 સુધી પહોંચ્યો છે. પરંતુ, આશ્ચર્યની વાત એ છે કે જે ડોલર સામે રૂપિયાની સ્થિતિ નબળી પડી છે તે ડોલર ઘણા દેશોની મુદ્રા સામે ઘણો નબળો છે. અમેરિકન ડોલર દુનિયાભરમાં વેપાર માટે ઘણો મહત્ત્વપૂર્ણ છે. અમે તમને જણાવીએ છીએ એવા દેશોના ચલણ વિશે જે ડોલરની સામે મજબૂત છે. ડોલરની તૂલનામાં આ ચલણ સામે ભારતીય રૂપિયો ડોલર કરતા પણ વધુ નબળો પડે છે. 

આ એવા દેશ છે જેના ચલણની સામે ડોલર ઘણો નબળો પડે છે. 

 
1. કુવૈત

 

ચલણ - દીનાર 

1 દીનાર = 3.30 યુએસ ડોલર

1 દીનાર = 209.48 રૂપિયા

2.  બહરીન

 

ચલણ - બહરીન દીનાર

 1 દીનાર = 2.65 યુએસ ડોલર

 1 દીનાર = 168.35 રૂપિયા

3. ઓમાન

 

ચલણ - રિયાલ

 1 રિયાલ = 2.60 યુએસ ડોલર

 1 રિયાલ = 164.87 રૂપિયા

4. લાટવિયા

 

ચલણ - લાટવિયા લાટ્સ
 1 લાટ્સ = 1.61 યુએસ ડોલર
 1 લાટ્સ = 102.30 રૂપિયા

5. યુનાઇટેડ કિંગડમ (યુકે)

 

ચલણ - બ્રિટિશ પાઉન્ડ
 1 પાઉન્ડ = 1.56 યુએસ ડોલર
 1 પાઉન્ડ = 99.16 રૂપિયા

6. ફોકલેન્ડ આઇલેન્ડ્સ

 

ચલણ - પાઉન્ડ

 1 પાઉન્ડ = 1.58 યુએસ ડોલર

 1 પાઉન્ડ = 100.24 રૂપિયા

7. જિબ્રાલ્ટર

 

ચલણ - જિબ્રાલ્ટર પાઉન્ડ
 1 પાઉન્ડ = 1.56 યુએસ ડોલર

 1 પાઉન્ડ = 99.24 રૂપિયા

6 Bridal No-Nos: Avoid These Beauty Mistakes Before You Get Married

Preparation is important, especially if you’re a bride. Facials, clean-ups and a new skincare regime not only make you look fabulous but also help you bring out the best in you at your wedding. After all, you do need to look great on that day and everyday afterwards. But there are a few beauty mistakes you should never make before the D-Day. Here’s a handy list to keep in mind.

1. Never use a makeup artist without a trial: Even the best makeup artists can make mistakes. So always try your wedding look beforehand to know how you feel. Is it the right colour? Is it nicely blended? Will it go with my Sabyasachi lehenga? Know everything beforehand.

2. Never wax, thread or shave a day or two before: Doing all of the above might just ruin your skin or make it breakout at the last minute. Sometimes, it’s best to get these done a few days before so you can tackle the redness for a day or two and allow your skin to rest.

3. Taking care of the face, but neglecting the rest of the body: Most of us actually concentrate on the face and how to look on the big day and ignore the body. Make sure your body gets the maximum attention - use a good oil to keep it hydrated, go for a full body massage and make sure you give it all the love it deserves.

4. Don’t try anything new on the D-day: Violet lipstick, electric blue liner, too much highlighter, lots of fake lashes - don’t try anything new and experimental on the wedding day. It’s too much of a risk because it can or cannot work out.

5. Never do a bikini wax a day before the wedding: The area is sensitive and swells up. A bikini wax can also cause irritation and breakouts down there so avoid it before the big night. Do it at least one week before for best results.

6. Never buy normal makeup: Look for labels like ‘long-lasting’ and ‘waterproof’. Because you’ll be sweating and standing up all day and you need makeup that lasts long and doesn’t ruin under the hot lights.

આજથી ખોરવાશે ગ્રીસની બેન્કિંગ વ્યવસ્થા, નાણાં હોવા છતાં બેન્કો લાચાર

રવિવારે થયેલા લોકમતમાં ડાબેરી સરકારને મળેલા તરફેણકારી બહુમતને પગલે યુરોપીયન સેટ્ર્લ બેન્કે ગ્રીક બેન્કિંગ સિસ્ટમ માટે તરલતાની સ્થિતિને વધુ સખત કરી છે. જો ડાબેરીઓ અત્યાર સુધીમાં આપવામાં આવેલી રાહતોનો સ્વીકાર નહી કરે તો દેશને સ્વતંત્ર થયેલો અને દેવાળીયો ગણાશે તેવી ચેતવણી ઉચ્ચારતા જર્મનીએ ગ્રીસને હ્યુમીલિયેટીંગ અલ્ટીમેટમ જારી કર્યા બાદ સેન્ટ્રલ બેન્કે આકસ્મિક તરલતા સહાયને સ્થગિત કરવાનું ચાલુ રાખ્યું છે.

જર્મન વાઇસ ચાન્સેલર સિગ્નાર ગેબ્રીયલે જણાવ્યું હતું કે લોકમતમાં ભારે બહુમતી મળી હોવા છતાં તેનાથી કોઇ ફેરફાર થયો નથી, ડાબેરીપાંખવાળી સિરીઝા સરકારે જો તેઓ યુરોઝોનમાં રહેવા માગતા હોય તો વધુ કડક શરતોવાળા રાહતપેકેજને સ્વીકારી લેવો જોઇએ.

આખરી દેવાળુ હવે નજીકમાં જ પરિણમશે એમ તેમણે જણાવતા ઉમેર્યું હતું કે ગ્રીકના નેતાઓએ કહ્યું હતું કે તેમની પાસે દરખાસ્તો પર વિચાર કરવા માટે હજુ મંગળવાર બપોર સુધીનો સમય છે. ગ્રીસના વડાપ્રધાને ઋણ રાહત માટે આવશ્યક વાતચીત માટે હાકલ કરી હતી, જેથી ભારે બેરોજગારી અને દેશની બેન્કિંગ સિસ્ટમમાં તરલતા તાત્કાલિક લાવી શકાય.

સિરીઝા સરકાર ક્યાં તો માંડવાળ અથવા સદીના મધ્ય સુધીમાં મેચ્યોરિટીનો અત્યંત નીચો દર રાખતા ઋણમાં 30 ટકાનો ઘટાડો કરવાની માગ કરી રહ્યા છે. જોકે આ આશાઓ ધોવાઇ ગઇ છે. ગયા સોમવારે ઇસીબીએ બેન્કિંગ સિસ્ટમ પર તરલતા સખત રાખવાનું નક્કી કર્યું હતું. પરંતુ અત્યંત ઇરાદાપૂર્ણ પગલાં તરીકે તેણે ધિરાણદારો પર જે જામીનગીરીને લગતા નિયમો હતા તેને વધુ કડક કરવાનું નક્કી કર્યું હતું. જેના કારણે રોકડની તંગી અનુભવતી બેન્કોની પરિસ્થિતિને વધુ કપરી બનાવી હતી.

ગ્રીસની ચાર મોટી બેન્કોમાં બિલકૂલ રોકડ નથી, જોકે કેટલાક એટીએમ હજુ પણ ગ્રીક બચતકર્તાઓને દૈનિક ધોરણે 60 યૂરો ઉપાડવાની છૂટ આપે છે. બેન્ક ઓફ ગ્રીસ પાસે ઘણી નોટોનો જથ્થો છે પરંતુ તે ઇસીબીના પગલાં બાદ બજારમાં ફરતો કરી શકશે નહી.

 

ગવર્નિંગ કાઉન્સીલ નાણાંકીય બજારો અને નાણાંકીય નીતિ માટેની સંભવિત અસરો પર અને યૂરો એરિયામાં ભાવ સ્થિરતના જોખમ સંતુલન પર ચાંપતી નજર રાખી રહી છે એમ ઇસીબીએ એક નિવેદનમાં જણાવ્યું હતું.

 

જર્મનીના ગેબ્રીયલે જણાવ્યું હતું કે ગ્રીસ માટે કોઇ પણ ઋણ રાહત માટે હાલના તબક્કે કોઇ પ્રશ્ન જ પેદા થતો નથી કેમ કે તેના કારણે સમગ્ર યૂરોઝોનમાં શિસ્તભંગ થશે, જે હાલમાં તણાવ હેઠળ રહેલા અન્ય દેશો માટે દાખલો બેસાડી શકે છે.

 જર્મનીના ડીઆઇડબ્લ્યુ ઇન્સ્ટિટ્યુટના વડા મર્કેલ ફ્રેટઝશેરે જણાવ્યું હતું કે ગ્રીસ આર્થિક કટોકટી તરફ ધકેલાઇ રહ્યું છે, જેની બેન્કિંગ વ્યવસ્થા સંપૂર્ણપણે ઠપ્પ થઇ ગઇ છે અને સંપૂર્ણ તણાવમાં જતી રહી છે. મને લાગે છે એક સમાંતર નાણું અસ્તિત્વમાં આવશે.

 

ફિચ રેટિગ્સે જણાવ્યું હતું કે બેન્કોની બિનઉપજાઉ અસ્કયામતો (એનપીએ) ચાલુ વર્ષના પ્રથમ ત્રિમાસિક ગાળામાં 40 ટકા સુધી પહોંચી ગઇ હતી અને ત્યારથી તેમાં નિશ્ચિતપણે વધારો જ થઇ રહ્યો છે. તેના કારણે જો ઋણ વાર્તાલાપ ફરી શરૂ થાય તો પણ ઇસીબીને વધુ તરલતા આપવામાં મુશ્કેલી નડી શકે તેમ છે.

સોના-ચાંદીમાં નબળાઈ

આંતરરાષ્ટ્રીય બજારમાં સોનાની ચમક ઝાં ખી પડી રહી છે. ડૉલરની મજબૂતીને કારણે સોનામાં પર દબાણ જોવા મળી રહ્યું છે. વૈશ્વિક બજારમાં સોનું એક મહિનાની નીચી સપાટીએ પહોંચી ગયું છે. કૉમેક્સ પર સોનું 1170 ડૉલરની નીચે કારોબાર કરી રહયું છે. આજે અમેરિકાના નોનફામ પેરોલ,બેરોજગારી અને ડયૂરેબલ્સ ગુડ્સ અને ફેકટરી ઓર્ડરના આંકડા જાહેર થવાના છે. તેની પર હવે બજારની નજર છે. સ્થાનિક બજારમાં પણ સોના પર થોડું દબાણ જોવા મળી રહ્યું છે. એમએસીએક્સ પર કારોબારની શરૂઆતમાં સોનામાં આશરે પા ટકા સુધીની નબળાઈ જોવા મળી હતી.

તો ચાંદીમાં પણ દબાણ જોવા મળી રહ્યું છે. ચાંદીમાં આંતરરાષ્ટ્રીય બજારમાં 16 ડૉલરની નીચે પહોંચી ગઈ છે. એમસીએક્સ પર પણ ચાંદીમાં નબળાઈ સાથેનો વેપાર જોવા મળી રહ્યો છે. શરૂઆતી કારોબારમાં ચાંદીમાં આશરે પા ટકા સુધીની નબળાઈ જોવા મળી.

US: જાણો, જુલાઇ-15માં તમારી કેટેગરીના વિઝાનું સ્ટેટસ, E2 કેટેગરી યથાવત્

જુલાઇ-2015 ની ફેમિલી સ્પોન્સર્ડ કેટેગરી સંપૂર્ણ વિઝા ઇન્ફર્મેશન

 

F1- યુએસ સિટીઝનશિપ ધરાવનાર વ્યક્તિના 21 વર્ષથી વધુ વયના અપરણીત દીકરાઓ તથા દીકરીઓ
F2A- કાયમી વસવાટ કરનારાઓના પતિ-પત્ની તથા અપરણીત બાળકો 
F2B- કાયમી વસવાટ કરનારાઓના 21 વર્ષથી વધુ વયના અપરણીત દીકરાઓ તથા દીકરીઓ
F3- યુએસ સિટીઝનશિપ ધરાવનાર વ્યતકિતના પરિણીત પુત્રો અને પુત્રીઓ
F4- યુએસ સિટીઝનના એડલ્ટ બ્રધર અને સિસ્ટર

 

જુલાઇ-2015 માસની ફેમિલી સ્પોન્સર્ડ કેટેગરીની વિગતો

 

કેટેગરી	કટ-ઓફ ડેટ
F1	01 ઓક્ટોબર 07
F2A	08 નવેમ્બર 13
F2B	15 ઓક્ટોબર 08
F3	15 માર્ચ 04
F4	22 ઓક્ટોબર 02

 વોશિંગ્ટનઃ અમેરિકામાં જુલાઇ માસનું વિઝા બુલેટિન જાહેર થયું છે. વિઝા બુલેટિન અનુસાર વિવિધ કેટેગરીના વિઝાનું કરંટ સ્ટેટસ આ પ્રમાણે છેઃ

 

ફેમિલી સ્પોન્સર્ડ વિઝામાં F1, F2A અને F2B કેટેગરી એક મહિનો આગળ વધી છે. તે સિવાય F3 કેટેગરી ત્રણ સપ્તાહ આગળ વધી છે.  જ્યારે ફેમિલી સ્પોન્સર્ડ વિઝામાં ચોથી કેટેગરી દોઢ મહિનો આગળ વધી છે. 

 

એમ્પ્લોયમેન્ટ બેઝ્ડ કેટેગરીમાં સ્કિલ્ડ અને પ્રોફેશનલ ડિગ્રી ધરાવનારાની E-3 કેટેગરી એક સપ્તાહ આગળ વધી છે. જ્યારે બાકીની તમામ કેટેગરીઓ જૂન-2015 માસ પ્રમાણે યથાવત્ છે..

એમ્પ્લોયમેન્ટ બેઝ્ડ પ્રેફરન્સિસના વિઝાની વિગતો

 

E1 -  પ્રાયોરિટી વર્કર્સ (ચઢિયાતા કામદારો) 
E2 - પ્રોફેશનલ ડિગ્રી ધરાવનાર વ્યક્તિ
E3 - સ્કિલ્ડ અને પ્રોફેશનલ વર્કર
E4 - સ્પેશિયલ ઇમિગ્રન્ટ્સ
E5 - ખાસ પ્રોગ્રામ, નક્કી કરેલા વિભાગમાં રોજગાર ઉત્પન્ન કરનાર અને ખાસ પ્રકારની નોકરીઓની તક

 

જુલાઇ-2015 માસની એમ્પ્લોયમેન્ટ બેઝ્ડ વિઝાની ઇન્ફર્મેશન

 

કેટેગરી	કટ-ઓફ ડેટ
E1	કરંટ ડેટ
E2	01 ઓક્ટોબર 08
E3	01 ફેબ્રુઆરી 04
E4	કરંટ ડેટ
E5	કરંટ ડેટ

 

ગ્રીસે ડિફૉલ્ટ કર્યા બાદ....કન્ડિશન્સ અપ્લાય !!!

ડિફૉલ્ટ કર્યા બાદ લેણદારોની ઑફર સ્વીકારવા ગ્રીસ તૈયાર થયું, પરંતુ એમાંય એણે શરતો રાખી

ગ્રીસે ડિફૉલ્ટ કર્યા બાદ હવે લેણદારોની મદદની ઑફરનો સ્વીકાર કરવાની વાત કરી છે, પરંતુ એમાંય એણે શરત રાખી છે. જોકે યુરો ઝોનના અગ્રણી દેશ જર્મનીએ કહ્યું છે કે ગ્રીક વડા પ્રધાન એલેક્સિસ સિપ્રાસે મોકલેલો પત્ર ઘણો મોડો પડ્યો છે. સિપ્રાસે કહ્યું છે કે જો લેણદારો આગામી બે વર્ષમાં કરજ પરનું વ્યાજ ચૂકવવા માટે ૨૯ અબજ યુરોનું વધારાનું ધિરાણ આપે તો તેઓ લેણદારોની ઑફરનો સ્વીકાર કરશે. યુરો ઝોનના નાણાપ્રધાનોએ ગ્રીક વડા પ્રધાનના આ પત્રમાં લખાયેલી શરતો માન્ય રાખવાનું મુશ્કેલ હોવાનું કહ્યું છે.

યુરો ઝોનના અધિકારીઓએ જણાવ્યા મુજબ આ પત્ર ૩૦ જૂને લખાયો છે, પરંતુ એની જાણ ગ્રીસની કરજ ચૂકવવાની મુદત પૂરી થયા બાદ કરવામાં આવી હતી. એના વિશે ટિપ્પણી કરતાં જર્મનીના નાણાપ્રધાન વોલ્ફેંગ શોબલે કહ્યું છે કે હવે નવેસરથી જ મંત્રણા કરવી પડે એમ છે, જૂની કોઈ શરતો નહીં ચાલે.

રઘુરામ રાજનની ચેતવણી, દુનિયા 1930ની આર્થિક મહામંદી તરફ ધકેલાઈ રહી છે

ભારતમાં હજી પણ એવી સ્થિતિ છે કે રોકાણને આકર્ષવા માટે વ્યાજદરોમાં ઘટાડો કરવો પડે છે

લંડન : તા, 26 જુન

રિઝર્વ બેંક ઓફ ઈન્ડિયાના ગવર્નર રઘુરામ રાજને દુનિયા ચેતવણી આપી હતી જે રીતે વર્ષ 1930માં આખી દુનિયાએ આર્થિક મહામંદીનો સામનો કરવો પડ્યો હતો એવુ જ સંકટ આગામી આવનાર સમયમાં ઉભુ થઈ શકે છે. તેથી સમગ્ર દુનિયાની કેન્દ્રીય બેંકોએ 'એક નવો નિયમ' પરિભાષિત કરવો જોઈએ.

રાજને કેન્દ્રીય બેંકો દ્વારા પ્રતિયોગી મૌદ્રિક નીતિને આસાન બનાવવાને લઈને પણ ચેતવ્યા હતાં. જોકે રાજને કહ્યું હતું કે ભારતમાં સ્થિતિ અલગ છે, અહીં આરબીઆઈએ રોકાણને પ્રોત્સાહન આપવાના હેતુથી વ્યાજ દરોમાં ઘટાડો પરવો જરૂરી બની જાય છે.

ગઈ કાલે સાંજે લંડન ખાતે લંડન બિઝનેશ સ્કૂલ (એલબીએસ) કોન્ફરન્સને સંબોધતાર આરબીઆઈના ગવર્નર રઘુરામ રઘુરામ રાજને ચિંતા વ્યકત કરી હતી કે દુનિયાએ બરાબર એવી જ પરિસ્થિતિનો સામનો કરવો પડી શકે છે જેવો વર્ષ 1930માં આર્થિક મહામંદી દરમિયાન કરવો પડ્યો હતો. તેમણે કહ્યું હતું કે આપણે યોગ્ય ઉપાયના ભાગરૂપે નિયમો બદલવા પડશે. મારૂ માનવું છે કે સેન્ટ્રલ બેંકની કાર્યવાહીમાં કઈ કઈ બાબતોની મંજુરી આપવામાં આવે તેને લઈને વૈશ્વિક નિયમો બનાવવા પર ચર્ચા હાથ ધરવાનો સમય પાકી ગયો છે.

આરબીઆઈ ગવર્નરે કહ્યું હતું કે મને એ વાતની ચિંતા થઈ રહી છે કે આપણે ધીમે ધીમે એજ સ્થિતિ તરફ આગળ વધી રહ્યાં છીયે જેવું 1930માં થયું હતું. આ બાબત સમગ્ર દુનિયા માટે એક સમસ્યા છે. આ માત્ર ઔદ્યોગિક દેશો કે વિકસિત દેશોની જ સમસ્યા નથી રહી.

ભારતમાં વ્યાજ દરોમાં ઘટાડા બાબતે પુછવામાં આવતા તેમણે કહ્યું હતું કે શક્ય હતુ ત્યાં સુધી મેં વ્યાજદરમાં ઘટાડાના દરવાજા બંધ રાખવાનો પ્રયાસ કર્યો હતો. પણ ભારત હજી પણ એવી જ સ્થિતિમાં છે કે જ્યાં રોકણને પ્રોત્સાહિત કરવાનું છે અને તેના માટે રેટકટ કરવો પડે છે. આ બાબતને લઈને પણ હું ચિંતિત છું.

જે બાબતો ગ્રોથ માટે આડખીલી રૂપ છે તે બાબતો પણ રાજને પ્રકાશ પાડ્યો હતો. રાજને કેપિટલ ફ્લો સાથે મળીને કામ કરવાની જરૂરિયાત પર પણ ભાર મુક્યો હતો. 

ગ્રીસમાં ૬ જુલાઈ સુધી બૅન્કો બંધ : ATMમાં પૈસા ખલાસ

આર્થિક કટોકટી યથાવત : પાંચ જુલાઈએ જનમત લેવાશે

ગ્રીસમાં એક સપ્તાહ માટે બૅન્કો બંધ રહેવાની છે અને ચિંતિત નાગરિકોએ કરેલા ઉપાડને લીધે મોટા ભાગનાં ATMમાં નાણાં ખલાસ થઈ ગયાં હોવાથી સરકારે લોકોને શાંતિ જાળવવાનો અનુરોધ કર્યો છે. બીજી બાજુ, ગ્રીસના સંકટને અનુલક્ષીને વૈશ્વિક શૅરબજારોમાં કડાકો બોલાયો હતો.ચીનનો કમ્પોઝિટ ઇન્ડેક્સ બાવીસ ટકા ઘટયો હતો. ભારતમાં સેન્સેક્સ પણ ઇન્ટ્રા-ડે ધોરણે ૬૦૨.૬૫ પૉઇન્ટ જેટલો ઘટયા બાદ ટ્રેડિંગ બંધ થવાના સમયે ૧૬૬.૬૯ પૉઇન્ટ નીચો રહ્યો હતો. ગ્રીસને આર્થિક સંકડામણમાંથી અને નાદાર થવાથી બચાવવા માટેની દરખાસ્તો સંબંધે પાંચ જુલાઈએ જનમત લેવામાં આવશે અને એના બીજા દિવસ સુધી અર્થાત ૬ જુલાઈ સુધી બૅન્કો બંધ રહેશે.

ATMમાંથી ઉપાડ કરવાની મર્યાદા પણ ૬૦ યુરો (૬૫ ડૉલર) નક્કી કરવામાં આવી છે. સત્તાવાર ગૅઝેટમાં જણાવાયા મુજબ વિદેશી પર્યટકો માટે ઉપાડની મર્યાદા નથી. દરમ્યાન ગ્રીસને નાણાં ધીરનાર યુરોપિયન યુનિયન અને ઇન્ટરનૅશનલ મૉનિટરી ફન્ડે ૩૦ જૂન પછી એને વધારાની સહાય નહીં કરાય એવી જાહેરાત કરતાં ગ્રીસના ડિફૉલ્ટની શક્યતા વધી ગઈ છે. ગ્રીસે ઇન્ટરનૅશનલ મૉનિટરી ફન્ડની ૧.૬ અબજ યુરોની લોન ૩૦ જૂન સુધીમાં ચૂકવી દેવાની હતી. ફ્રાન્સના પ્રમુખ ફ્રાન્કોસ ઓલાન્દે ગ્રીસના વડા પ્રધાન એલેક્સિસ સિપ્રાસને અનુરોધ કર્યો છે કે કરજ ચૂકવવા આડે ગણતરીના કલાકો બાકી રહ્યા હોવાથી તેઓ લેણદારો સાથે મંત્રણા કરવા આગળ આવે.

ગ્રીસની પરિસ્થિતિને લીધે ભારત પર સીધી અસર થવાની નથી : નાણાસચિવ

ગ્રીસની આર્થિક કટોકટીને લીધે ભારતમાંથી નાણાંનો ઉપાડ થઈ શકે છે. આ પરિસ્થિતિને કેવી રીતે સંભાળી લેવી એના વિશે સરકાર રિઝર્વ બૅન્કની સલાહ લઈ રહી છે એમ નાણાસચિવ રાજીવ મહર્ષિએ સોમવારે જણાવ્યું હતું. તેમણે વધુમાં જણાવ્યું હતું કે ગ્રીસની પરિસ્થિતિને લીધે ભારત પર સીધી અસર થવાની નથી. જોકે અહીંથી યુરોપ મારફતે સિક્યૉરિટીઝ માર્કેટમાંથી નાણાંના ઉપાડના સ્વરૂપે થોડી અસર થઈ શકે છે.

આ ઘટનાને લીધે યુરોપમાં વ્યાજદર વધી શકે છે અને એને પગલે ભારતમાંથી નાણાંનો ઉપાડ થઈ શકે છે. મહર્ષિએ પત્રકારો સાથેની વાતચીતમાં વધુમાં કહ્યું હતું કે આ કટોકટી કયું સ્વરૂપ લે છે એના વિશે કંઈ કહી શકાય એમ નથી. ભારત પરિસ્થિતિને સંભાળી લેવા માટેનું કોઈ વિશિક્ટ આયોજન ધરાવતું નથી. કોઈ ભારતીય કંપની ગ્રીસમાં એક્સપોઝર ધરાવે છે કે કેમ એ સવાલના જવાબમાં તેમણે કહ્યું હતું કે મને આના વિશે જાણ નથી.

ભારતીય બજારો સંકટમાં સવાયા

વૈશ્વિક બજારોમાં ગ્રીસના મુદ્દે જોવા મળી રહેલી હલચલ વચ્ચે ભારતીય બજાર ફરી એકવાર આઉટપર્ફોર્મ રહ્યું છે. જૂન એક્સ્પાયરીથી મંગળવાર સુધીનાં ચાર ટ્રેડિંગ સત્રોમાં ભારતીય બેન્ચમાર્ક્સે ઇમર્જિંગ તેમજ વિકસિત બજારોના બેન્ચમાર્ક્સ કરતાં સારો દેખાવ દર્શાવ્યો છે. 

26 જૂનના રોજથી બુધવાર સુધીનાં ચાર ટ્રેડિંગ સત્રોમાં નિફ્ટી 0.9 ટકા વધ્યો છે. બેન્ચમાર્ક 8,381ના સ્તરથી સુધરી 8,453ના સ્તરે બંધ રહ્યો હતો. જ્યારે આ જ સમયગાળામાં જર્મનીનો ડેક્સ 3.6 ટકા ઘટ્યો છે. અન્ય નોંધપાત્ર ઘટાડો દર્શાવનાર સૂચકાંકોમાં ચીનનો શાંઘાઈ કમ્પોઝિટ (-3.3 ટકા), ફ્રાન્સ (-3.0 ટકા), એસ એન્ડ પી 500 (-2.0 ટકા), ડાઉ જોન્સ (-2.0 ટકા) અને નિક્કી (-1.8 ટકા)નો સમાવેશ થાય છે. મોટા ભાગનાં ઇમર્જિંગ બજારોએ છેલ્લાં ચાર ટ્રેડિંગ સત્રોમાં ઘટાડો દર્શાવ્યો છે. 

કેલેન્ડર વર્ષ 2013 અને 2014માં સતત ચઢિયાતા દેખાવ બાદ ભારતીય બજારે ચાલુ કેલેન્ડરમાં પ્રારંભિક બે ક્વાર્ટર દરમિયાન અન્ય બજારોની સરખામણીમાં અન્ડરપર્ફોર્મન્સ દર્શાવ્યું હતું. 

જેનું મુખ્ય કારણ કોર્પોરેટ અર્નિંગ્સમાં નરમાઈ અને તેને પગલે એફઆઇઆઇની વેચવાલી છે. જોકે એફઆઇઆઇની વેચવાલી સામે ભારતીય સંસ્થાઓ (ડીઆઇઆઇ)ની ખરીદીને કારણે બજારને નોંધપાત્ર સપોર્ટ મળતો હતો અને જૂન મહિનાના મધ્યમાં 8,000ની નીચે ઊતરી ગયેલો બેન્ચમાર્ક નિફ્ટી પુન: 8,400ના સ્તરે જોવા મળ્યો હતો. 

બુધવારે સેન્સેક્સ ફરી 28,000ની સપાટી પર બંધ રહ્યો હતો. જૂન મહિનામાં સ્થાનિક સંસ્થાઓએ લગભગ રૂ.૧૦,૦૦૦ કરોડની ખરીદી બજારમાં કરી હતી. છેલ્લાં ચાર ટ્રેડિંગ સત્રોમાં પણ બુધવારને બાદ કરતાં એફઆઇઆઇએ વેચવાલી દર્શાવી હતી. જેની સામે ડીઆઇઆઇએ ખરીદી ચાલુ રાખી હતી. 

સ્થાનિક બજારમાં માર્કેટ બ્રેડ્થ પણ ખૂબ પોઝિટિવ જોવા મળી છે. જે સૂચવે છે કે ફ્રન્ટલાઇન ઉપરાંત મિડ-કેપ્સ અને સ્મોલ-કેપ્સમાં હલચલ છે. બુધવારે બીએસઇમાં 1,900 શેરોમાં સુધારો અને 876 શેરોમાં ઘટાડો હતો. 

પીએસયુ બેંકિંગ ક્ષેત્ર અને ઇન્ફ્રાસ્ટ્રક્ચર ફાઇનાન્સર્સ ઉપરાંત નાના ઇન્ફ્રાસ્ટ્રક્ચર કાઉન્ટર્સમાં લેવાલી હતી. જોકે બજારમાં મિડ-કેપ્સમાં ક્યાંય કોઈ નોંધપાત્ર ખરીદીના સંકેતો હજુ નથી મળ્યા. કેમ કે માર્કેટ-બ્રેડ્થમાં દૈનિક ધોરણે મોટી વધ-ઘટ જોવા મળી રહી છે. 

એનાલિસ્ટ્સ માને છે કે ભારતીય બજારે ગ્રીસ કટોકટીની ઘટનાને અગાઉથી જ ડિસ્કાઉન્ટ કરી લીધી હતી અને તેથી બોટમિંગ આઉટ વહેલું જોવા મળ્યું હતું. 

ઉપરાંત સ્થાનિક સંસ્થાઓની બજારમાં અવિરત લેવાલી પણ બજારને મુખ્ય સપોર્ટ પૂરો પાડી રહી હોવાનું તેઓ માને છે. તેમના મતે બજારમાં સ્થિરતા પાછી ફરી છે અને તે ફરી એકવાર રેંજ બાઉન્ડ જોવા મળે તેવી સંભાવના છે. નિફ્ટીમાં 8,200-8,800ની રેંજ જોવા મળે તેવી શક્યતા ટેક્‌નિકલ એનાલિસ્ટ માને છે.

ગ્રીસ નમતું જોખવા તૈયાર, યુરોપને શંકા

એથેન્સ:ગ્રીસ સરકાર બુધવારે તેના ધિરાણકારોની માંગણી સામે નમતું જોખવાના મૂડમાં હતી. બેઇલઆઉટ પ્રોગ્રામ સમાપ્ત થયા બાદ વધારે રાહત મેળવવા માટે ગ્રીસ ભારે પ્રયાસ કરી રહ્યું છે.

વડાપ્રધાન એલેક્સિસ સિપ્રાસે કહ્યું છે કે ગ્રીસ અમુક નાના ફેરફારોને બાદ કરતાં બેઇલઆઉટની તમામ શરતો માન્ય રાખશે. તેમણે આ મુજબનો પત્ર યુરોપિયન કમિશન, આઇએમએફ અને યુરોપિયન સેન્ટ્રલ બેન્કને લખ્યો છે. સિપ્રાસે 29.1 અબજ ડોલરના ત્રીજા રેસ્ક્યુ પેકેજની દરખાસ્ત કરી છે. 1.6 અબજ ડોલરનું આઇએમએફ ડેટ પેકેજ મંગળવારે સમાપ્ત થઈ ગયું હતું.

યુરોપિયન અધિકારીઓએ કહ્યું કે ગ્રીસમાં જનમત લેવાય તે પહેલાં કોઈ ડીલ નહીં થઈ શકે. તેના કારણે વડાપ્રધાન એલેક્સિસ સિપ્રાસ રવિવારે વોટ કરાવશે કે નહીં તે વિશે સવાલ પેદા થયા છે. ધિરાણકારોએ વોટિંગનો ઉગ્ર વિરોધ કર્યો છે. યુરોપિયન ઇન્ટરગવર્નમેન્ટલ સંસ્થાના એક વડાએ કહ્યું કે આવો કોઈ પણ જનમત આંતરરાષ્ટ્રીય ધોરણો મુજબનો નહીં ગણાય.

યુરોપિયન લોનના બદલામાં બજેટમાં તીવ્ર કાપ મૂકવો કે નહીં તેવા જનમતની વિગત હજુ સ્પષ્ટ નથી. ગ્રીક 'ના' માટે વોટિંગ કરે તો શું થશે અને તે યુરો ઝોનમાંથી બહાર નીકળી જશે કે નહીં તે સ્પષ્ટ નથી.

ચૂંટણી અને માનવ અધિકારો પર દેખરેખ રાખતી સંસ્થા કાઉન્સિલ ઓફ યુરોપ પાસે કોઈ નિર્ણય લાગુ કરવાની સત્તા નથી. પરંતુ જનમતને આંતરરાષ્ટ્રીય સ્તરનો ગણવામાં નહીં આવે તેવી જાહેરાત સરકારની યોજના માટે ફટકા સમાન છે.

આંતરરાષ્ટ્રીય ધોરણો પ્રમાણે આવાં પગલાં પહેલાં ઓછામાં ઓછાં બે સપ્તાહ સુધી ચર્ચાનો સમય મળવો જરૂરી છે. ગ્રીસની સ્થિતિ પર ચર્ચા કરવા યુરો ઝોનના નાણામંત્રીઓ ફરી બેઠક યોજવાના છે. કેટલાક અધિકારીઓએ કહ્યું કે મંગળવારે રાતે ગ્રીસે કરેલી ઓફર અપૂરતી છે અને જનમત અગાઉ કોઈ ડીલ નહીં થઈ શકે.

પ્રસ્તાવિત ખર્ચકાપની દરખાસ્તને સળંગ પાંચ મહિના સુધી ફગાવ્યા પછી સિપ્રાસ હવે નરમ પડ્યા હોય તેવું લાગે છે. ગ્રીક અધિકારીઓએ કહ્યું કે ધિરાણકારો સાથે કોઈ પણ ડીલ થશે તો રેફરન્ડમ (જનમત) રદ ગણાશે.

સિપ્રાસે કહ્યું છે કે ગ્રીસ તેના ટાપુઓ પર વેટનો નીચો સ્તર રાખી શકતું હોય તો તેઓ ડીલ માટે તૈયાર છે. તેમણે બીજી કેટલીક શરતોની પણ વાત કરી છે. ગ્રીસ તેના લશ્કરી બજેટમાં કાપને ઘટાડવા માંગે છે અને નિવૃત્ત લોકોને મળતી કેટલીક સહાયમાં કાપને વિલંબિત કરવા માંગે છે.

ગ્રીસમાં બેન્કોમાંથી નાણાં ઉપાડવા પર પ્રતિબંધ મુકાયા પછી ઘણા એટીએમમાં 20 યુરોની નોટ ખતમ થઈ ગઈ છે. નાગરિકોને એક દિવસમાં કાર્ડ દીઠ વધુમાં વધુ 50 યુરો ઉપાડવાની છૂટ છે.