Market Ticker

Translate

Friday, June 9, 2017

રિલાયન્સ મ્યુ. ફંડનો IPO આવશે: રૂ.20,000 કરોડના મૂલ્યનો અંદાજ

મુંબઈ:અનિલ ધીરુભાઈ અંબાણી ગ્રૂપ (ADAG) રિલાયન્સ મ્યુચ્યુઅલ ફંડનો IPO લાવે તેવી શક્યતા છે. જેમાં એસેટ મેનેજમેન્ટ કંપની (AMC)ને રૂ.20,000 કરોડનું મૂલ્ય મળવાનો અંદાજ છે. આમ તો UTI મ્યુ ફંડ લાંબા સમયથી IPOની યોજના ધરાવે છે, પણ રિલાયન્સ મ્યુ ફંડ ટૂંકા ગાળામાં પબ્લિક ઇશ્યૂ લાવશે તો ભારતમાં કોઈ AMCનો આ પહેલો IPO હશે.

રિલાયન્સ નિપોન લાઇફ એસેટ મેનેજમેન્ટ (RNAM)ના બોર્ડે બુધવારે AMCના લિસ્ટિંગની દરખાસ્તને મંજૂરી આપી હતી. કંપની ટૂંક સમયમાં IPO માટે મર્ચન્ટ બેન્કર્સ, ઓડિટર્સની નિમણૂકની પ્રક્રિયા શરૂ કરશે. ભારતના મ્યુ ફંડ ઉદ્યોગની કુલ 42 AMCsમાં રિલાયન્સ મ્યુ ફંડ ત્રીજા ક્રમે છે. કંપની મ્યુ ફંડના રૂ.2.11 લાખ કરોડ સહિત કુલ રૂ.3.6 લાખ કરોડની સંચાલન હેઠળની એસેટ્સ (AUM) ધરાવે છે.

સામાન્ય રીતે એસેટ મેનેજમેન્ટ કંપનીઓને AUMના 5 ટકા જેટલું મૂલ્ય આપવામાં આવે છે. આ ગણતરીના આધારે રિલાયન્સ મ્યુ ફંડનું મૂલ્ય લગભગ રૂ.20,000 કરોડ થાય અને વિશ્લેષકોના જણાવ્યા અનુસાર 10 ટકા હિસ્સાના વેચાણમાંથી કંપનીને રૂ.2,000 કરોડ મળશે.

સેબીના લિસ્ટિંગ નિયમ પ્રમાણે સ્ટોક એક્સ્ચેન્જિસ પર લિસ્ટિંગ માટે કંપનીએ ઓછામાં ઓછો 10 ટકા હિસ્સો વેચવો પડશે, જે ત્રણ વર્ષમાં વધારી 25 ટકા કરવાનો રહેશે. રિલાયન્સ નિપોન લાઇફ એસેટ મેનેજમેન્ટના સીઇઓ સંદીપ સિક્કાએ જણાવ્યું હતું કે, નાણાકીય સર્વસમાવેશિતાના ભાગરૂપે અમે મ્યુ ફંડના યુનિટધારકો માટે સંપત્તિ સર્જન કર્યું છે.

અમારું માનવું છે કે, હવે રિટેલ રોકાણકારો માટે AMCના ઇક્વિટી શેરધારક બનવાની આ ઉત્તમ તક છે. તેમણે વધુમાં જણાવ્યું હતું કે, અર્થતંત્રમાં કોન્સોલિડેશનની પ્રક્રિયા ચાલી રહી છે ત્યારે યોગ્ય સ્થિતિનો લાભ લેવા અમારે તૈયાર રહેવું પડશે. સિક્કાએ વેલ્યુએશનની માહિતી આપ્યા વગર માર્ચ સુધીમાં 10 ટકા અને સેબીના નિયમ પ્રમાણે ત્રણ વર્ષમાં 15 ટકા હિસ્સો વેચવાની યોજના જાહેર કરી હતી.

ઉલ્લેખનીય છે કે, 2008માં રિલાયન્સ પાવરના IPO પછી ADAGની કંપનીનો આ પહેલો પબ્લિક ઇશ્યૂ હશે. રિલાયન્સ નિપોન લાઇફ એસેટ મેનેજમેન્ટ એ રિલાયન્સ કેપિટલની સબસિડિયરી છે. રિલાયન્સ કેપિટલ સબસિડિયરીમાં 51 ટકા હિસ્સો ધરાવે છે. લાંબા સમયથી UTI મ્યુ ફંડના IPOની વાતો પણ ચાલી રહી છે, જે તેના ચાર રોકાણકારો SBI, LIC, ‌‌BoB અને PNBને આંશિક એક્ઝિટ આપશે.

No comments:

Economic Event Calendar

GMT+5:30 Event Vol. Actual Consensus Previous
Tuesday, Jul 15
18:00 Consumer Price Index (MoM) 3 0.3% 0.3% 0.1%
18:00 Consumer Price Index Core s.a 1 327.60 326.85
18:00 NY Empire State Manufacturing Index 2 5.5 -9.0 -16.0
18:00 Manufacturing Sales (MoM) 1 -0.9% -1.3% -2.7% Revised from -2.8%
18:25 Redbook Index (YoY) 1 5.2% 5.9%
18:45 Fed's Bowman speech 2
n/a GDT Price Index 1 -4.1%
21:45 Fed's Barr speech 2
22:30 Fed's Barkin speech 2
Wednesday, Jul 16
00:15 Fed's Collins speech 2
Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

NSE BSE Tiker

Custom Pivot Calculator

Popular Posts

Market & MF Screener