મુસ્લિમ ધર્મની પરંપરાગત પ્રથા ત્રિપલ તલાકનો વિરોધ કરતુ બિલ આજે લોકસભામાં રજૂ કરાયું. કાયદામંત્રી રવિશંકર પ્રસાદે આ બિલ રજૂ કર્યું. જોકે આ બિલ સામે આરજેડી અને બીજેડી જેવા વિપક્ષોએ વાંધો ઉઠાવ્યો હતો. બિલમાં મુસ્લિમ મહિલાઓના મૂળભૂત અધિકારોનું હનન થતું હોવાનું ઓવૈસીએ જણાવ્યું. તેમણે દલીલ કરી કે પહેલાથી ઘરેલુ હિંસા કાયદો છે તો આ બિલની શું જરૂર?
તો બીજી તરફ રવિશંકર પ્રસાદે આજના દિવસને ઐતિહાસિક ગણાવતા આ બિલને નારીની ગરિમા અને સમ્માનને લગતું બિલ ગણાવ્યું. તેમણે કહ્યું કે સુપ્રીમ કોર્ટે ત્રિપલ તલાકને પાપ ગણાવ્યું હતું. જોકે કોર્ટના ચૂકાદા બાદ પણ આ પ્રથા ચાલુ છે.
આ બિલને બંધારણ હેઠળનું ગણાવતા રવિશંકર પ્રસાદે કહ્યું કે આ નારીના ન્યાયને લગતો મુદ્દો છે. આ તરફ તમામ મુદ્દે સરકારનો વિરોધ કરતી કોંગ્રેસે પણ આ બિલને સમર્થન આપ્યું છે. કોંગ્રેસે કહ્યું છે કે તે આ બિલ પર કોઈ સંશોધન નહીં લાવ. પરંતુ માત્ર પોતાના સૂચનો આપશે.
Indian Rupee Exchange Rate
No comments:
Post a Comment