5 Things to consider before: Tax Planning

Evaluate your options

Know the options, risk associated and lock-in period associated with the tax saving investment option under Rs. 1 Lakh Limit (Section 80 C)

Choose your objective

Know the capital gains tax treatment (short and long term) of the investment option

Plan cautiously

Hurriedly investing lump sums as a quick tax saving scheme could have potentially adverse results. You also lose on one of the biggest benefits in investment: the power of compounding. Think carefully before investing; never rush in!

Health is wealth

Invest in a health insurance scheme, if you don’t already have one. It’s a smart tax saving tool on a premium of upto Rs. 15,000 p.a., and gives health cover as well!

Avoid rush hour tax planning

Don’t leave tax planning to the last minute. This may create a liquidity crunch. Plan your taxes well in advance, and invest at regular intervals rather than in a lumpsum.

BSE સેન્સેક્સમાં 288 પોઈન્ટનું જંગી ગાબડું

BSE ફુગાવાની ચિંતા અને FII ની વેચવાલીથી મુંબઈ શેરબજારમાં આજે જંગી ગાબડું પડ્યું હતું. દિવસ દરમિયાન સેન્સેક્સ 18723.12 અને 18235.45 પોઈન્ટની રેન્જમાં અથડાયા બાદ 288.46 પોઈન્ટ ઘટીને 18,395.97 પોઈન્ટની સપાટીએ બંધ રહ્યો હતો.

5512.15 નેશનલ સ્ટોક એક્સચેંજનો નિફ્ટી 5614.40 અને 5459.55 પોઈન્ટની રેન્જમાં ટ્રેડ થયા બાદ 92.15 પોઈન્ટ ઘટીને પોઈન્ટની સપાટીએ બંધ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 2.66 ટકા અને 3.59 ટકા ઘટીને બંધ રહ્યા હતા.

સેન્સેક્સ 4 માસમાં 15 ટકા ઘટી શકે

બેંચમાર્ક સેન્સેક્સે આ વર્ષે એશિયામાં સૌથી ખરાબ દેખાવ કર્યો છે. બિરલા સન લાઇફ ઇન્શ્યોરન્સ કંપનીના વિક્રમ કોટકે જણાવ્યું હતું કે સેન્સેક્સ ચાર માસમાં વધુ 15 ટકા ઘટે એવી શક્યતા છે , કેમ કે વધી રહેલા ખર્ચા નફાને ઘટાડશે અને વ્યાજદરોમાં વધારો થશે. વિક્રમ કોટકે 2010 ની તેજી વિશે આગાહી કરી હતી.

40 વર્ષની વયના વિક્રમ કોટક બિરલા સનના ચીફ ઇન્વેસ્ટમેન્ટ ઓફિસર તરીકે 4.2 અબજ ડોલરના ભંડોળના સંચાલનમાં મદદ કરે છે. તેમણે રોકડ વધારીને 15 ટકા કરી છે અને તેઓ કહે છે તેમ , તેઓ ' તેનું રોકાણ કરવાના મૂડમાં નથી. ' મેમાં રોકડ રકમ 10 ટકા જેટલી હતી.

બીએસઇ સેન્સેક્સ પાંચમી નવેમ્બરની વિક્રમ સપાટીથી 10 ટકા ઘટ્યો છે. કેટલાક રોકાણકારો પાંચમી નવેમ્બરની સપાટીથી થયેલા ઘટાડાને કરેક્શન માને છે.

કોટકે જણાવ્યું હતું કે , કાં તો તમારું બજાર ઘટીને એવા સ્તરે આવી જશે કે લોકોને ફુગાવા અને વ્યાજદરોની ચિંતા નહીં થાય અથવા તમે આ સમસ્યાને હલ કરી દેશો. બજારો વધવા માટે અમને કોઈ કારણ જણાતું નથી.

આરબીઆઇના ગવર્નર ડી સુબ્બારાવે ફુગાવાનો અંદાજ વધારીને 7 ટકા કર્યા પછી માર્ચથી અત્યાર સુધીમાં મંગળવારે સાતમી વાર વ્યાજદરોમાં વધારો કર્યો હતો

જાણો... વાઇબ્રન્ટ સોદા કેટલા વાસ્તવિક ?

ગુજરાત સરકારના રૂ. 20 લાખ કરોડથી વધુના ખાતરીબદ્ધ રોકાણના દાવામાં કેટલાક એવા પ્રોજેક્ટનો પણ સમાવેશ થાય છે જેને '
બહુ દૂરના ' ગણાવી શકાય અને કેટલાંક એવાં પણ રોકાણનો સમાવેશ થાય છે જે આમેય ગુજરાતમાં આવવાનાં જ હતાં. ઉદાહરણ તરીકે , હિન્દુસ્તાન કન્સ્ટ્રક્શન કંપનીના ચેરમેન અજિત ગુલાબચંદે રાજ્યમાં રિન્યૂએબલ એનર્જી પ્રોજેક્ટમાં આગામી 2-5 વર્ષમાં રૂ. 1,200 કરોડના રોકાણની જાહેરાત કરી. નિયમ મુજબ , ગુજરાત સરકાર માત્ર સ્પર્ધાત્મક બિડિંગ પ્રક્રિયા મારફતે જ વીજળી ખરીદશે અને એચસીસીના સૂચિત પ્રોજેક્ટની કાર્યક્ષમતા સામે હજુ પણ પ્રશ્નાર્થ ચિહ્ન છે. તેવી જ રીતે , છત્તીસગઢ સ્થિત રૂ. 1,050 કરોડની વંદના પાવર ઇન્ફ્રાટેકે નવલખી પોર્ટ નજીક રૂ. 10,000 કરોડના કોલસા આધારિત પાવર પ્લાન્ટની જાહેરાત કરી. રાજ્ય સરકારના એક અધિકારીએ જણાવ્યું હતું કે , જો તેઓ રાજ્ય સરકારની માલિકીવાળી વીજસેવા કંપનીની સ્પર્ધાત્મક બિડમાં સફળ થશે તો જ તેમનું આયોજન ફળીભૂત થશે. રિન્યૂએબલ અને પરંપરાગત વીજળી ક્ષેત્રના મોટા ભાગના પ્રોજેક્ટોનું કોઈ ભાવિ નથી.માત્ર બે દિવસમાં થયેલા કુલ રૂ. 20.83 લાખ કરોડના રોકાણના કરારમાં ત્રીજા ભાગનો હિસ્સો એકલા ઊર્જા ક્ષેત્રનો હતો. 2009 ની વાઇબ્રન્ટ સમિટ દરમિયાન એચસીસીએ રૂ. 40,000 કરોડના રોકાણ સાથે લવાસા મોડલનું ગુજરાતમાં અનુકરણ કરવાની દરખાસ્ત કરી હતી. જોકે , કેન્દ્રીય પર્યાવરણ મંત્રાલયે એચસીસી પર લવાસા ખાતે પર્યાવરણ નિયમોનો ભંગ કર્યો હોવાનો આક્ષેપ કર્યો છે અને તેના આયોજનમાં ગુજરાત પ્રોજેક્ટ ક્યાંય દેખાતો નથી. કોંગ્રેસના નેતાઓ સહિતના વિવેચકોએ જણાવ્યું હતું કે 2009 દરમિયાન ગુલાબચંદે જાહેર કરેલા પ્રોજેક્ટમાં કોઈ પ્રગતિ થઈ નથી માટે આ વખતે તેમણે અગાઉની જાહેરાતમાં કામ ચાલી રહ્યું છે એવું કહેવાની ફરજ પડી હતી. અમદાવાદ સ્થિત રૂ . 1,000 કરોડની દિશમાન ફાર્માસ્યુટિકલ્સ એન્ડ કેમિકલ્સ લિમિટેડની પેટાકંપની દિશમાન ઇન્ફ્રાસ્ટ્રક્ચર લિમિટેડે અમદાવાદમાં તેના સૂચિત ફાર્મા સ્પેશિયલ ઇકોનોમિક ઝોન માટે રૂ . 10,400 કરોડના એમઓયુ કર્યા હતા . કંપનીએ ઇટી સમક્ષ સ્પષ્ટતા કરી હતી કે તે માત્ર રૂ . 400 કરોડનું જ રોકાણ કરશે જ્યારે બાકીનું ( રૂ . 10,000 કરોડનું ) રોકાણ સેઝમાં આવનારા એકમો દ્વારા કરાશે . અહીં એમઓયુનું ડુપ્લિકેશન થવાની શક્યતા છે કારણ કે સેઝમાં એકમ સ્થાપનારી કંપની અલગથી એમઓયુ કરશે પણ ખરેખર તેના રોકાણનો આંક ડેવલપર દ્વારા પહેલેથી પોતાની ગણતરીમાં લેવાઈ ગયો છે . આમ એક જ રોકાણ માટે કંપની અને ડેવલપર બે અલગ અલગ એમઓયુ કરે તેવી શક્યતા છે . ઓઇલ એન્ડ નેચરલ ગેસ કોર્પોરેશન ( ઓએનજીસી ) એ તેની ઓનશોર કામગીરી માટે રૂ . 12,500 કરોડનું રોકાણ કરવાની ખાતરી આપી છે , આ રોકાણ પહેલેથી જ તેના આયોજનમાં હતું . ઓઇલ માર્કેટિંગ કંપનીઓ ઇન્ડિયન ઓઇલ કોર્પોરેશન , હિન્દુસ્તાન પેટ્રોલિયમ કોર્પોરેશન લિમિટેડ અને ભારત પેટ્રોલિયમ કોર્પોરેશન લિમિટેડે રાજ્ય સરકાર હસ્તકની જાહેર કંપની ગુજરાત સ્ટેટ પેટ્રોલિયમ કોર્પોરેશન સાથે આંતરરાજ્ય પાઇપલાઇન પ્રોજેક્ટ માટે કરાર કર્યા છે . જોકે , 4,000 કિલોમીટર આંતરરાજ્ય ગેસ ગ્રિડ નાંખવાનો રૂ . 12,500 કરોડનો પ્રોજેક્ટ નિયમનકાર પેટ્રોલિયમ એન્ડ નેચરલ ગેસ રેગ્યુલેટરી બોર્ડના લાઇસન્સ વગર શરૂ જ નથી થઈ શકવાનો . સ્ટેટ બેન્ક ઓફ ઇન્ડિયા , દેના બેન્ક અને બેન્ક ઓફ બરોડા સામાજિક વિકાસમાં રૂ . 18,000 કરોડનું રોકાણ કરશે . હકીકતમાં આ ભંડોળ કેન્દ્ર સરકારની વિવિધ એજન્સીઓ મારફતે આવતું હોય છે . જનરલ મોટર્સે હાલોલ ખાતે તેના પ્લાન્ટની વાર્ષિક ઉત્પાદન ક્ષમતા 85,000 યુનિટથી વધારીને 1.5 લાખ યુનિટ કરવા રૂ . 450 કરોડનું રોકાણ કરવાની છે . તે સમિટના સ્થળે અવ્યવસ્થાને કારણે એમઓયુ કરી શકી ન હતી . કંપનીના ઉચ્ચ અધિકારીએ ઇટીને જણાવ્યું હતું કે જનરલ મોટર્સ તેનું વિસ્તરણ આયોજન બહાર પાડવાની હતી તે સમયે જ વાઇબ્રન્ટ ગુજરાત સમિટ આવ્યું તે માત્ર એક યોગાનુયોગ હતો . કંપનીના ટોચના અધિકારીએ જણાવ્યું હતું કે , આ રોકાણ એમઓયુ કર્યા વગર પણ થવાનું જ હતું પરંતુ મુખ્યમંત્રીએ અમને ભારપૂર્વક જણાવ્યું હતું કે તેને સમિટ મારફતે સત્તાવાર બનાવાય . અમદાવાદ સ્થિત એક અગ્રણી કેમિકલ વેપારીએ જણાવ્યું હતું કે , તેણે અમને રૂ . 1.5 લાખથી પણ વધુ આપવાના બાકી છે . મને જ્યારે એમઓયુના કદની જાણ થઈ ત્યારે મને આઘાત લાગ્યો હતો . અમદાવાદ સ્થિત આઇટી કંપનીએ તેના આયોજનમાં રાજ્ય સરકારની ક્યાંય ભૂમિકા ન હોવા છતાં માત્ર કરવા ખાતર એમઓયુ કર્યા હતા . રિલાયન્સ ઇન્ડસ્ટ્રીઝ લિમિટેડ , એસ્સાર ગ્રૂપ અને અદાણી ગ્રૂપ જેવી મોટી કંપનીઓ ગુજરાતમાં તેમનું વિસ્તરણ કરી રહી છે અને સમિટમાં જાહેર કરેલું રોકાણ સમિટ ના યોજાયું હોત તો પણ થવાનું હતું . રાજ્ય સત્તાવાળાના રોકાણના આંકડાના દાવા સંકુચિત હોવા અને રોકાણ કરતાં વધુ પ્રોજેક્ટને સમાવ્યા હોવા છતાં આ ત્રણ અગ્રણી કોર્પોરેટે કુલ રૂ . 1,65,000 કરોડના એમઓયુ કર્યા હતા . સરકારનાં આંતરિક સૂત્રો જણાવે છે કે મુખ્ય સચિવ તેમની માસિક સમીક્ષાની બેઠકમાં એમઓયુમાં લક્ષ્યાંક પ્રમાણેનો દેખાવ નહીં કરનાર વિવિધ વિભાગના અધિકારીઓનો ઊધડો લેશે . એક સરકારી અધિકારીએ જણાવ્યું હતું કે , તેનાથી સંબંધિત વિભાગો અન્ય સમકક્ષ વિભાગની તુલનાએ ખરાબ દેખાશે . તેથી મોટા રોકાણ ખેંચવાના સ્થાને અમે વધુ પ્રોજેક્ટને સમાવવાને વધુ પ્રાધાન્ય આપ્યું . ટોચના અધિકારીઓની અવારનવાર બદલી થતી હોવાથી વચલા સ્તરના અધિકારીઓએ લક્ષ્યાંકનું પાલન નહીં કરવા બદલ ઉપરી અધિકારીના રોષનો ભોગ બનવું પડશે . ઉદ્યોગ વિભાગ અને ઇન્ડસ્ટ્રિયલ એક્સ્ટેન્શન બ્યૂરો ( ઇન્ડેક્સ્ટ - બી ) એ 2009 ની વાઇબ્રન્ટ ગુજરાત સમિટના છ મહિના પછી આયોજન 2011 ની સમિટ માટે તૈયારી શરૂ કરી દીધી હતી . ગુજરાતના મુખ્યમંત્રી નરેન્દ્ર મોદીને સરકારી સ્ટાફના કર્મચારીઓને જે નામથી બોલાવવું ગમે છે તે કર્મયોગીઓએ નોલેજ પાર્ટનર અને પબ્લિક રિલેશન પાર્ટનર શોધવાનું શરૂ કર્યું હતું અને બાદમાં આયોજનનો વિગતવાર અહેવાલ તૈયાર કર્યો હતો . સરકારી અધિકારીઓ અને ઉદ્યોગપતિઓનાં બનેલાં સાત પ્રતિનિધિમંડળો સાત દેશો અને દેશનાં છ મોટાં શહેરોમાં ફરી વળ્યાં હતાં . ઉદ્યોગ સચિવ મહેશ્વર સાહુના પિતાનું સમિટના એક મહિના પહેલાં જ અવસાન થયું હતું પરંતુ તેઓ માત્ર બે જ દિવસમાં ફરી કામે ચઢી ગયા હતા . ઉદ્યોગ વિભાગના એક અધિકારીએ જણાવ્યું હતું કે , અમે સરકારી જાહેર રજાઓના દિવસે પણ સખત પરિશ્રમ કર્યો છે . એક દિવસ લિફ્ટમેન તેનો સમય પૂરો થતાં જતો રહ્યો હતો અને અમારે ઇમારતમાં નીચે ઊતરવા ટોર્ચનો સહારો લેવો પડ્યો હતો . અમે જ્યારે પાર્કિંગ સ્લોટમાં મૂકેલા અમારાં વાહનો પાસે પહોંચ્યા ત્યારે રખડતા કૂતરાઓએ અમારી સામે ભસવાનું શરૂ કર્યું હતું .મુખ્યમંત્રીએ પણ તેના કર્મયોગીઓના સખત પરિશ્રમને શુક્રવારના સમાપન સમારંભમાં વધાવ્યો હતો . 2009 માં વાઇબ્રન્ટ ગુજરાત સમિટને મળેલા પ્રતિસાદથી પ્રેરાઈને સરકારે ચાલુ વર્ષે સમિટના થોડા દિવસો પહેલાં જ હોસ્પિટાલિટી ક્ષેત્ર માટે નીતિ બહાર પાડી હતી . આ પગલાથી કંપનીઓને તેમનું રોકાણ આયોજન સઘન બનાવવા પ્રોત્સાહન મળ્યું હોવાનું માનવામાં આવે છે . ( પૂરક માહિતીઃ હિમાંશુ દરજી , મિતુલ ઠક્કર , શ્રમણા ગાંગુલી , વિશાલ દત્તા , પરાગ દવે અને કેયૂર ધનદેવ)

નિફ્ટી 5700ની ઉપર બંધ : Rcomm વધ્યો

નીચા મથાળે ફરી લેવાલી નીકળતાં મુંબઈ શેરબજાર આજે ઉતાર-ચઢાવ બાદ ગ્રીન ઝોનમાં બંધ રહ્યું હતું.
દિવસ દરમિયાન BSE સેન્સેક્સ ઉપરમાં 19100.26 અને નીચામાં 19100.26 પોઈન્ટની સપાટી વચ્ચે ટ્રેડ થયા બાદ 68.22 પોઈન્ટ વધીને 19046.54 પોઈન્ટની સપાટીએ બંધ રહ્યો હતો. નેશનલ સ્ટોક એક્સચેંજનો નિફ્ટી 5729.45 અને 5634.50 પોઈન્ટની રેન્જમાં ટ્રેડ થયા બાદ 20.55 પોઈન્ટ વધીને 5711.60 પોઈન્ટની સપાટીએ બંધ રહ્યો હતો. BSE મિડકેપ અને BSE સ્મોલકેપ ઈન્ડેક્સ અનુક્રમે 0.14 ટકા અને 0.04 ટકા વધીને બંધ રહ્યા હતા. આજે અન્ય સેક્ટોરલ ઈન્ડાઈસિસમાં BSE ઓઈલ-ગેસ ઈન્ડેક્સ 1.50 ટકા , BSE FMCG ઈન્ડેક્સ 1.36 ટકા અને BSE ઓટો ઈન્ડેક્સ 0.22 ટકા ઘટ્યો હતો જ્યારે BSE બેન્કેક્સ 1.75 ટકા અને BSE IT ઈન્ડેક્સ 0.96 ટકા વધ્યો હતો. આજે વધેલા શેરોમાં RComm ( 2.68%) , ICICI બેન્ક (2.68%) , HDFC બેન્ક (2%) , જિંદાલ સ્ટીલ (1.85%) અને સેસા ગોવાનો સમાવેશ થાય છે. આજે વધેલા શેરોમાં GAIL (- 2.85%) , ITC (- 2.51%) , રેનબેક્સી (-1.99%) , ONGC (- 1.77%) અને BPCL (- 1.51%)નો સમાવેશ થાય છે. NSE માં આજે 1460 શેરોમાં ઘટાડા અને 1390 શેરોમાં વધારા સાથે માર્કેટબ્રેડ્થ નેગેટિવ રહી હતી.

RIMની ગુપ્ત માહિતી લીક થયાની કેનેડાની ફરિયાદ

કેનેડાના હાઈ કમિશને ભારતના ગૃહ સચિવ જી કે પિલ્લાઈને ફરિયાદ કરી છે કે બ્લેકબેરી સ્માર્ટફોન કંપની રિસર્ચ ઇન મોશન ( RIM) દ્વારા સરકારને સુપરત કરવામાં આવેલી ગુપ્ત માહિતી પ્રસાર માધ્યમોમાં લીક થઈ રહી છે. પિલ્લાઈને લખેલા પત્રમાં કેનેડાના હાઈ કમિશનર સ્ટુવર્ટ બેકે જણાવ્યું હતું કે એ વાત ' સંપૂર્ણપણે ન માની શકાય તેવી ' છે કે રિમ તેમજ ગૃહ અને ટેલિકોમ મંત્રાલયોના અધિકારીઓ વચ્ચેની બેઠકની ગુપ્ત કાર્યનોંધ તાજેતરમાં ભારતના મીડિયામાં આવેલા ' હાનિકારક આર્ટિકલ્સ ' માટેનો સ્રોત છે. તેમણે વધુમાં જણાવ્યું છે કે મીડિયા લીકથી 2008 ની શરૂઆતથી સુરક્ષા સંબંધિત મુદ્દે રિમ અને ભારત સરકાર વચ્ચેની ' સંવેદનશીલ મંત્રણામાં મુશ્કેલી ઊભી થઈ છે. તેમણે જણાવ્યું હતું કે આ ' લીક ' મદદગાર નથી અને તેનાથી સંવેદનશીલ મંત્રણા માટે જરૂરી છે તેવા વિશ્વાસને અસર થાય છે. ઇટીએ 6 જાન્યુઆરીએ અહેવાલ આપ્યો હતો કે કંપનીએ ભારતની સુરક્ષા એજન્સીઓની ચિંતા દૂર કરવા માટે જાન્યુઆરી 2013 સુધી વધુ 18 થી 24 મહિનોનો સમય માંગ્યો છે. ભારતની સુરક્ષા એજન્સીઓ બ્લેકબેરીની કોર્પોરેટ ઇ-મેઇલ સર્વિસિસ માટે એન્ક્રિપ્શન કોડની માંગણી કરી રહી છે. કંપનીએ સરકારને આ વચગાળાના સમયગાળા સુધી તેની સર્વિસ પર પ્રતિબંધ ન મૂકવા જણાવ્યું હતું. આ અહેવાલ રિમ , ગૃહ અને ટેલિકોમ મંત્રાલયના અધિકારીઓ વચ્ચે 29 ડિસેમ્બરે યોજાયેલી કાર્યનોંધ આધારિત હતો. રિમ ત્રણ વર્ષથી ભારતની સુરક્ષા એજન્સીઓ સાથે લડત લડી રહી છે. સુરક્ષા એજન્સીઓ બ્લેકબેરીના કોમ્યુનિકેશન પર દેખરેખ રાખવાની ટેક્નોલોજી માંગી રહી છે. ગયા સપ્તાહે કંપનીએ મેસેન્જર સર્વિસ અને પબ્લિક ઇ-મેઇલ સર્વિસની દેખરેખ માટે ટેક્નોલોજી આપી હતી , પરંતુ કોર્પોરેટ ઇ-મેઇલ સર્વિસના દેખરેખ માટેની ટેક્નોલોજી ન હોવાનું જણાવ્યું હતું. કેનેડાના હાઈ કમિશનરે જણાવ્યું હતું કે રિમના ટોચના એક્ઝિક્યુટિવ સ્થિતિની સમીક્ષા કરવા નવી દિલ્હીની મુલાકાત ન લે ત્યાં સુધી ભારત સરકાર સાથેની હાલમાં ચાલી રહેલી તમામ મંત્રણાને મોકૂફ રાખવાની કંપનીએ તેના કર્મચારીઓને સૂચના આપી છે.

મિડ-કેપએ ભંડોળ મેળવવાની યોજના પડતી મૂકી

છેલ્લા બે માસમાં ઓછામાં ઓછી અડધો ડઝન કંપનીઓએ શેરોના વેચાણ અથવા કન્વર્ટિબલ્સ મારફત ભંડોળ એકત્ર કરવાની તેમની યોજનાને પડતી મૂકી છે. એક્વા લોજિસ્ટિક્સ સહિતની ત્રણ કંપનીઓએ વિદેશમાં શેર વેચાણની ઓફર્સ માંડી વાળી છે , જ્યારે અન્ય કંપનીઓએ રાઇટ્સ શેર વેચાણની યોજનાને મુલતવી રાખી છે એમ તેમણે રજૂ કરેલી માહિતી પરથી જણાય છે. બે કંપનીઓએ રોકાણકારોને પ્રેફરન્શિયલ ધોરણે શેરો વેચવાની યોજના પડતી મૂકી છે. ફોર્ચ્યુન ફાઇનાન્શિયલ સર્વિસિસ ગ્રૂપના સીઇઓ , દેવેશ કુમારે જણાવ્યું હતું કે , ઘટતા જતા બજારમાં ખાસ કરીને લિક્વિડિટીની ચિંતા હોય છે , તેથી રોકાણકારો નાના કદની કંપનીઓમાં રસ ગુમાવતા હોય છે.