2011-12માં દેશનું અર્થતંત્ર 7.5%ના દરે વિકાસ પામશે

નાણાપ્રધાન પ્રણવ મુખર્જીએ શુક્રવારે લોકસભામાં અર્થતંત્રની મધ્યસત્રીય સમીક્ષાનો અહેવાલ રજૂ કરતાં જણાવ્યું હતું
કે 2011-12 માં દેશનું અર્થતંત્ર 7.5 ટકાનો વિકાસદર નોંધાવશે.

અગાઉ સરકારે 9 ટકાના વૃદ્ધિ દરનો અંદાજ દર્શાવ્યો હતો પણ અનેક નકારાત્મક પરિબળોને ધ્યાનમાં લેતાં આ અંદાજ ઘટાડવાની ફરજ પડી છે.

સપ્ટેમ્બરના ક્વાર્ટરમાં જીડીપી દર માત્ર 6.9 ટકા નોંધાયા બાદ મધ્ય સત્રીય સમીક્ષામાં જીડીપીના અંદાજમાં ઘટાડો કરવામાં આવ્યો હતો.

તેમણે જણાવ્યું હતું કે , રૂપિયામાં જોવા મળેલા ઘસારાને કારણે ઓઈલ આયાત ખર્ચ વધી ગયો છે અને તેને કારણે રાજકોષીય ખાધને જીડીપીના 4.6 ટકા સુધી સિમિત રાખવાનો અંદાજ સિદ્ધ કરવો મુશ્કેલ જણાય છે.