શેરબજારો ગબડતાં ટ્રેડરો કોમોડિટી ટ્રેડિંગ તરફ વળ્યા

ઇક્વિટી માર્કેટમાં મંદીને કારણે રિટેલ ટ્રેડર્સ કોમોડિટીઝ માર્કેટ તરફ વળ્યા છે અને તેના કારણે કોમોડિટી ફ્યુચર્સ ટ્રેડિંગના ટર્નઓવરમાં આશરે 70 ટકાનો ઉછાળો નોંધાયો હોવાનું ફોરવર્ડ માર્કેટ્સ કમિશનના ચેરમેન રમેશ અભિષેક જણાવે છે.

વોલ્યુમમાં ઉછાળો કોન્ટ્રાક્ટના મૂલ્યમાં થયેલા વધારાના કારણે છે તે ખરું પરંતુ રિટેલ ટ્રેડર્સ ઇક્વિટી ડેરિવેટિવ્ઝમાંથી કોમોડિટીઝ તરફ વળ્યા તે કારણ પણ આ વધારા માટે જવાબદાર છે.એમ અભિષેક ઇટીને જણાવે છે. જે સ્ટોક બ્રોકર્સ અલગ કંપનીઓ મારફતે કોમોડિટી ફ્યુચર્સમાં ટ્રેડિંગ ઓફર કરે છે તેમનું કહેવું છે કે તેમનું નુકસાન કોમોડિટી માર્કેટના વધેલા બિઝનેસ થકી સરભર થઈ રહ્યું છે.

કોમોડિટી બજારમાં વૃદ્ધિ અંગે કોઈને ફરિયાદનો સવાલ ઊભો થતો નથી. પરંતુ બજારમાં ખરેખર કોમોડિટી વપરાશકારો અથવા તો હેજર્સની ભાગીદારી વધે તે જરૂરી છે એમ અભિષેકનું કહેવું હતું.

દેશના બે અગ્રણી ઓનલાઇન કોમેક્સ એમસીએક્સ અને એનસીડીઇએક્સને જાગૃતિ કાર્યક્રમો વધારવાનું તેમજ હાલમાં સોનું અને કોપર-ઝિંક જેવી ધાતુમાં છે તેવા વધુ મિની કોન્ટ્રાક્ટ્સ દાખલ કરવા જણાવવામાં આવ્યું છે , જે એ સ્તરનાં જોખમો સામે હેજ કરવામાં મદદ મળે.