Translate

Thursday, February 2, 2012

આવકવેરા વિભાગને વિદેશી સંપત્તિની માહિતી આપવી પડશે

તમામ કરદાતાઓએ આવકવેરા ખાતાને તેમની વિદેશી સંપત્તિની વિગત આપવી પડે તેવી શક્યતા છે. કરચોરી સામે અસરકારક કામગીરી માટે વાર્ષિક ટેક્સ રિટર્નમાં વિદેશી બેન્ક ખાતાની માહિતી આપવી ફરજિયાત બનશે.

પ્રસ્તાવિત ડાયરેક્ટ ટેક્સ કોડ અથવા ડીટીસીની જોગવાઈ પ્રમાણે કરદાતાએ તેમની વિદેશી સંપત્તિની તમામ વિગત પૂરી પાડવી પડશે. સરકાર હવે આવકવેરા ધારામાં સુધારો કરશે કારણ કે 1 એપ્રિલ 2012 થી ડીટીસી લાગુ થાય તેવી શક્યતા ઓછી છે.

નામ જાહેર ન કરવાની શરતે એક અધિકારીએ જણાવ્યું હતું કે ટેક્સ સત્તાવાળાઓ કાયદાકીય ફેરફાર ઇચ્છે છે જેથી કરદાતાઓ તેમની વિદેશી સંપત્તિ જાહેર કરે. એક વખત તે ફરજિયાત બને પછી ટેક્સ કરદાતાએ તેમના વિદેશી ખાતા અંગે સ્પષ્ટતા કરવી પડશે. તેનું પાલન ન કરનાર સામે કાર્યવાહી થશે.

ભારતીય આવકવેરાના કાયદામાં એવું નથી જણાવાયું કે નાગરિકે તેની વિદેશી એસેટ કે આવક જાહેર કરવી જોઈએ. પરંતુ કાયદાની જોગવાઈઓ સૂચવે છે કે ભારતીય નાગરિકની વૈશ્વિક આવક ભારતમાં કરપાત્ર છે. ટેક્સ સત્તાવાળાઓને આ આવક જાહેર કરવામાં ન આવે તો તે સજાપાત્ર ગુનો છે.

તાજેતરમાં જર્મની પાસે એક ટેક્સ હેવનની બેન્કમાં નાણાં રાખનાર ભારતીયોની યાદી મળ્યા પછી આવકવેરા ખાતાએ કરદાતાઓ સામે કાર્યવાહી કરી છે. એલજીટી બેન્કના એક ભૂતપૂર્વ કર્મચારી પાસેથી ભારતીય સત્તાવાળાઓને યાદી મળી હતી. જોકે અધિકારીઓએ જણાવ્યું હતું કે નોંધાયેલા ન હોય તેવા બેન્ક ખાતાની માહિતી મેળવવી સરળ નથી.

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports