Translate

BSE-NSE Ticker

Tuesday, September 8, 2015

મુંબઈનો સૌથી મોંઘો પ્રોપર્ટી સોદો: બિરલાએ રૂ.415 કરોડમાં બંગલો ખરીદ્યો

બિરલા જૂથના ચેરમેન કુમાર મંગલમ બિરલાએ અત્યાર સુધીના સૌથી મોટા પ્રોપર્ટી ટ્રાન્ઝેક્શનમાં મુંબઈ ખાતે સી-ફેસિંગ જતિયા હાઉસ ખરીદી લીધું છે.

એક દિવસ ચાલેલી હરાજી પછી 41 અબજ ડોલરના બિરલા જૂથના વડા મલબાર હિલ ખાતેના બે માળના આ બંગલા માટે રૂ.415 કરોડ ચૂકવવા તૈયાર થયા હતા. અજય પિરામલની પિરામલ રિયલ્ટી પણ 30,000 ચોરસ ફૂટના બંગલાને ખરીદવાની દોડમાં હતી.

બિરલાએ બંગલાના ટોકન તરીકે કુલ રકમનો 10 ટકા હિસ્સો ચૂકવી દીધો છે. મુંબઈનું આ સૌથી મોંઘું રિયલ એસ્ટેટ ટ્રાન્ઝેક્શન છે અને તેણે સજ્જન જિંદાલ દ્વારા 2012માં રૂ.400 કરોડમાં મહેશ્વરી હાઉસની ખરીદીના ટ્રાન્ઝેક્શનને પાછળ મૂકી દીધું છે. જતિયા હાઉસની માલિકી એમપી જતિયા ગ્રૂપની છે. ગ્રૂપ કંપનીમાં પદમજી પલ્પ એન્ડ પેપરનો સમાવેશ થાય છે.

સૂત્રોના જણાવ્યા અનુસાર અત્યારે ઓલ્ટામાઉન્ટ રોડ પર 'મંગલયાન' બંગલામાં રહેતો બિરલા પરિવાર નવું મકાન વ્યક્તિગત વપરાશ માટે રાખશે. તેમણે કહ્યું હતું કે, "દક્ષિણ મુંબઈમાં જન્મેલા અને મોટા થયેલા ઘણા ઉદ્યોગપતિઓ બાળકો મોટા થવાથી વધુ મોટી જગ્યા ખરીદી રહ્યા છે." જતિયા હાઉસની ડીલ એક મહિનામાં પૂરી થશે.

ડીલ અંગે કુમાર મંગલમ બિરલા અને અરુણ જતિયાનો સંપર્ક થઈ શક્યો ન હતો. ટ્રાન્ઝેક્શન એડવાઇઝર JLL ઇન્ડિયાએ આ મુદ્દે કંઈ કહેવાનો ઇનકાર કર્યો હતો. ઉલ્લેખનીય છે કે, દક્ષિણ મુંબઈના રહેણાક વિસ્તારમાં જતિયા હાઉસ મોકાની જગ્યાએ આવેલું હોવાથી તેની ખાસ્સી ડિમાન્ડ છે. જતિયાએ મેહર કાવસજી વકીલ પાસેથી ૧૯૭૨માં આ બંગલો ખરીદ્યો હતો.

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports