મહાનગર ગેસે CNG-PNGના ભાવ વધાર્યા

મહાનગર ગેસ લિમિટેડ (એમજીએલ)એ તેના કોમ્પ્રેસ્ડ નેચરલ ગેસ (સીએનજી) અને સ્થાનિક પાઇપ્ડ નેચરલ ગેસ (પીએનજી)ના ભાવમાં રવિવારથી વધારો કર્યો છે. રાજ્ય સરકારે વેટ એક ટકા વધારી 13.5 ટકા કરવાનો નિર્ણય લીધા પછી આ વધારો કરવામાં આવ્યો છે. એમજીએલ ચાર લાખ વાહનોને ગેસ પુરવઠો પૂરો પાડે છે, તેમાં જાહેર પરિવહન નિગમ અને બેસ્ટની બસોનો સમાવેશ થાય છે. આ ઉપરાંત તે મુંબઈમાં આઠ લાખ ઘરોને પાઇપ્ડ ગેસ પૂરો પાડે છે.

રાજ્ય સરકારે 17 સપ્ટેમ્બરના રોજ વેટ 12.5 ટકાથી વધારી 13.5 ટકા કરવાનો નિર્ણય લેતા એમજીએલે તેના સીએનજી અને સ્થાનિક પાઇપ્ડ ગેસના ભાવમાં આ અસર મુજબ સુધારો કર્યો છે, એમ કંપનીએ જણાવ્યું હતું. મુંબઈમાં સીએનજી અને સ્થાનિક પીએનજીના સુધારેલા દર રવિવારથી જ અમલી બની ગયા છે.

સીએનજીનો દર પ્રતિ કિલો રૂ.41.57 રહેશે અને પીએનજીનો દર પ્રતિ યુનિટ રૂ.24.93 (એસસીએમ) રહેશે, એમ તેમણે ઉમેર્યું હતું. આ યાદી મુજબ ભાવમા વધારો મુંબઈ સાથે જોડાયેલી મ્યુનિસિપાલિટીઓ અને તથા સ્થાનિક મ્યુનિસિપાલિટીઓના ઓકટ્રોય-એલબીટી કે ઉપકરને લાગુ કર્યા પછીનો હશે.

આ સુધારેલા ભાવ મુજબ મુંબઈ સાથેની મ્યુનિસિપાલિટીઓમાં સીએનજીનો સ્થાનિક વેરા સહિત સુધારેલો ભાવ પ્રતિ કિલો રૂ.41.57થી રૂ.42.32ની રેન્જમાં હશે અને સ્થાનિક પીએનજીનો ભાવ પ્રતિ એસસીએમ રૂ.24.93થી રૂ.25.01ની રેન્જમાં રહેશે