14 વર્ષમાં સોના કરતાં સેન્સેક્સમાં વધુ વળતર

નવી દિલ્હી : રોકાણકારો તમામ રોકાણ માધ્યમમાં સોનાને સલામત રોકાણ સાધન માને છે , પરંતુ શું તે ખરેખર સારી કમાણી કરી આપે છે ? ભૂતકાળનો ડેટા અલગ જ ચિત્ર રજૂ કરે છે . છેલ્લાં 10 વર્ષમાં સોનાના ભાવમાં 373 ટકાનો વધારો થયો છે , જ્યારે છેલ્લાં 14 વર્ષમાં બીએસઇના સેન્સેક્સમાં 681 ટકાનો વધારો થયો છે . ચિંતાજનક વાતાવરણ હોય અથવા મજબૂત ખેલાડીઓ તેમના જોખમમાં ઘટાડો કરવા માંગતા હોય ત્યારે સામાન્ય રીતે સોનામાં તેજી જોવા મળે છે . આવા વાતારણમાં ફુગાવામાં વધારો , વૈશ્વિક આર્થિક વૃદ્ધિદરમાં ઘટાડો વગેરેનો સમાવેશ થાય છે . એલકેપીના ટેક્‌નિકલ એનાલિસ્ટ ( રિટેલ એડ્‌વાઇઝરી ) કુણાલ બોથરાએ જણાવ્યું હતું કે , “ ગોલ્ડ ચાર્ટ દર્શાવે છે કે સોનામાં 2000-2001 થી 9 થી 10 વર્ષની સાઇકલ ચાલુ થઈ હતી અને 2011 માં ટોચનું સર્જન થયું હતું અને તે પછીથી ભાવ ઊંચા સ્તરથી ઘટ્યા છે . તેમણે વધુમાં જણાવ્યું હતું કે , સોનામાં રોકાણ સામાન્ય રીતે ફુગાવા સામે રક્ષણ મેળવવા જાય છે . હાલમાં ભારતના શેરબજારમાં મજબૂત મોમેન્ટમ છે , તેનાથી બંને રોકાણ સાધનના વળતરમાં અલગ ટ્રેન્ડ જોવા મળે છે . જોકે મને લાગે છે કે સોનું સેન્સેક્સના અંદાજિત મજબૂત વળતર કરતાં વધુ સારો દેખાવ કરી શકે છે . ડોઇચે બેન્કના અહેવાલ મુજબ ભારતમાં સોનાના ભાવમાં ટોચના સ્તરથી 17 ટકાનો ઘટાડો થયો છે , જ્યારે વૈશ્વિક ભાવમાં 2011 ના ટોચના સ્તરથી આશરે 32 ટકાનો ઘટાડો થયો છે , જે સૂચવે છે કે દેશમાં સોનાના ભાવમાં વધુ ઘટાડો થઈ શકે છે . આ ઉપરાંત સોનાની આયાત પરનાં નિયંત્રણો દૂર થયા પછી તેમાં વધુ નરમાઈ આવી શકે છે . મોટા ભાગના એનાલિસ્ટ્સ માને છે કે ભારત માટે સ્ટ્રક્ચરલ બુલ માર્કેટ છે અને સોનામાં પીછેહટ થઈ શકે છે . આવું એક દાયકામાં એક વખત જોવા મળે છે અને બજાર ઊંચા સ્તરે રહેશે તેવી ધારણાએ રોકાણકારો સોનામાં તેમના હોલ્ડિંગમાં ઘટાડો કરી શકે છે . એક્સિસ કેપિટલના એમડી અને સીઇઓ નિલેશ શાહે જણાવ્યું હતું કે , તેનો આધાર તેમની રિસ્ક પ્રોફાઇલ પર પણ છે . જોખમ લેવાની ક્ષમતા ધરાવતા લોકોને હું શેરબજારમાં 100 ટકા નાણાં રોકવાની સલાહ આપીશ અને રૂપિયામાં મૂવમેન્ટ હોવા છતાં સોનામાં રોકાણ યોગ્ય ન હોય તેવી શક્યતા છે . જોકે ઇરાકની કટોકટી અને અમેરિકાના આર્થિક ડેટાને પગલે સોનાનો ભાવ 1,240 ના નીચા સ્તરથી ફરી વધીને હાલમાં 1,300 ડોલરના સ્તરે ટ્રેડ થઈ રહ્યા છે . ઇરાકની કટોકટી હજુ થોડા વધુ સમય ચાલુ રહેવાની ધારણા છે . પ્રભુદાસ લીલાધર પ્રાઇવેટ લિમિટેડના પ્રોડક્ટ હેડ ( કોમોડિટી એન્ડ કરન્સી ) વિકાસ વૈધ જણાવે છે કે , “ સોનું હંમેશા આખરી કરન્સી પુરવાર થયું છે અને રોકાણકારોએ તેની અવગણના કરવી જોઈએ નહીં . રોકાણકારોએ સુરક્ષિત રોકાણ માધ્યમ તરીકે તેમના પોર્ટફોલિયોમાં ઓછામાં ઓછું 10 ટકા રોકાણ સોનામાં કરવું જોઈએ . તેમણે વધુમાં જણાવ્યું હતું કે , જો ઇરાકમાં ત્રાસવાદીઓ પર અંકુશ મેળવવામાં આવશે નહીં અને આ કટોકટી દક્ષિણ ઇરાકમાં પણ ફેલાશે તો બુલિયન અને ગોલ્ડના ભાવમાં વધુ ઉછાળો આવી શકે છે . તેથી રોકાણકારોએ 1 , 400 ડોલરના ટાર્ગેટ અને 1 , 240 ડોલરના સ્ટોપલોસ સાથે સોનામાં ખરીદી કરવી જોઈએ . એમસીએક્સ ગોલ્ડે ફોર અવર ચાર્ટમાં ફ્લેટ પેટર્ન બનાવી છે . બુલિયન કન્ટિન્યુશન પેટર્ન સાથે ફ્લેગ પેટર્ન કોમોડિટીમાં મજબૂત આઉટલૂક દર્શાવે છે .

<a href="http://netspiderads2.indiatimes.com/ads.dll/clickthrough?slotid=36120" target="_blank"><img src="http://netspiderads2.indiatimes.com/ads.dll/photoserv?slotid=36120" border="0" width="462" height="48" alt="Advertisement"></a>