Bookmyshow.com - બુક માય શો નવા ફંડિંગ સાથે રૂ.1,000 કરોડની ક્લબમાં

નિષ્ણાતોનું બેંગલોર / મુંબઈ : ઓનલાઇન ટિકિટ સર્વિસ કંપની BookMyShow એ ફંડિંગના નવા રાઉન્ડ દ્વારા તેના મૂલ્યમાં ત્રણ ગણાથી વધુ વધારો નોંધાવ્યો છે અને તેના લીધે મુંબઈ સ્થિત આ કંપની ભારતની સૌથી મૂલ્યવાન કન્ઝ્યુમર ઇન્ટરનેટ કંપનીઓમાં સ્થાન પામી છે . BookMyShow નું સંચાલન કરતી બિગટ્રી એન્ટરટેઇનમેન્ટે ગ્લોબલ પ્રાઇવેટ ઇક્વિટી ફંડ સૈફ પાર્ટનર્સ દ્વારા રૂ . 150 કરોડ એકત્રિત કર્યા છે . હાલના રોકાણકારો એસ્સેલ પાર્ટનર્સ અને મીડિયા કંપની નેટવર્ક 18 પણ તેના ઇન્વેસ્ટમેન્ટ રાઉન્ડમાં ભાગ લેતાં તેનું મૂલ્ય રૂ . 1,000 કરોડ મુકાયું છે . 2012 માં કંપનીનું મૂલ્ય રૂ . 350 કરોડ મુકાયું હતું તે હવે વધીને રૂ . 1,000 કરોડ થઈ ગયું છે . BookMyShow ને 2013 માં ધ ઇકોનોમિક ટાઇમ્સ એવોર્ડ્સ ફોર કોર્પોરેટ એક્સલન્સ વખતે સ્ટાર્ટ અપ ઓફ ધ યરનો એવોર્ડ મળ્યો હતો . બિગટ્રી એન્ટરટેઇનમેન્ટના સ્થાપક આશિષ હેમરજનીએ જણાવ્યું હતું કે , અમે સૈફ પાર્ટર્નસના ફંડિંગથી ખુશ છીએ . તેઓએ મેકમાયટ્રિપ અને જસ્ટડાયલ જેવી કંપનીઓને મદદ કરીને જાહેર જનતા સુધી જવા સક્ષમ બનાવી તે જોતાં તેનું અમારા માટે ઘણું મૂલ્ય છે . આ મૂલ્યના લીધે BookMyShow ભારતના ઇકોમર્સ ક્ષેત્રમાં સૌથી મૂલ્યવાન કન્ઝ્યુમર ઇન્ટરનેટ કંપનીઓ પૈકીની એક બની છે . તાજેતરમાં જ ઓનલાઇન કંપની ક્વિકરનું મૂલ્ય રૂ .1,500 કરોડ મુકાયું હતું , જ્યારે રેસ્ટોરાં સર્ચ એન્જિન ઝોમાટોનું મૂલ્ય ફંડિંગના છેલ્લા રાઉન્ડમાં રૂ .1,000 કરોડ મુકાયું હતું . માનવું છે કે મોબાઇલને સૌથી મહત્ત્વની સેલ્સ ચેનલ બનાવવાના લીધે કંપની સારું ભાવિ ધરાવે છે . મોબાઇલ એપ લોન્ચ કર્યાના વર્ષમાં BookMyShow ના અડધા ઉપરાંત ટ્રાન્ઝેક્શન આ ચેનલ દ્વારા થાય છે . મોબાઇલ વ્યૂહરચનાએ બીજી અને ત્રીજી શ્રેણીનાં શહેરોમાં બજારોમાં અનેક નવી તક ખોલી આપી છે . ઇન્વેસ્ટમેન્ટ બેન્ક એવેન્ડસના એક્ઝિક્યુટિવ ડિરેક્ટર તથા આ સોદાના નાણાકીય સલાહકાર આશિષ ભીંડેએ જણાવ્યું હતું કે , BookMyShow પ્રથમ ડિજિટલ કોમર્સ કંપનીઓમાંની એક કંપની બની છે જે મોબાઇલના માધ્યમ દ્વારા ગ્રાહકોની સ્વીકાર્યતા અને કામગીરીના ધોરણે વૈશ્વિક કંપનીઓની સમકક્ષ બેસે છે . રોકાણકારોએ કંપનીની આવક અને ભારતમાં નવાં બજારોમાં ઝડપથી થઈ રહેલા વિસ્તરણ પર ભરોસો મૂકતાં તેનું મૂલ્ય ઊંચું મુકાયું છે . વેન્ચર કેપિટલ ફર્મ મેટ્રિક્સ પાર્ટનર્સ ઇન્ડિયાના મેનેજિંગ ડિરેક્ટર અવનીશ બજાજે જણાવ્યું હતું કે , બારથી અઢાર મહિના પહેલાં 10 કરોડ ડોલરના મૂલ્યને વટાવવું એ મોટો પડકાર હતો , જે સ્થિતિ આજે કન્ઝ્યુમર ઇન્ટરનેટમાં સ્પષ્ટપણે બદલાઈ ગઈ છે . અહીં ફક્ત ભાવિ સંભાવનાઓની વાત નથી , પરંતુ મોબાઇલ ઇન્ટરનેટનો જોરદાર ફેલાવો થઈ રહ્યો છે તે છે .