Translate

BSE-NSE Ticker

Friday, December 3, 2010

એર ટિકિટ અત્યારે બુક નહીં કરાવો તો મોંઘી પડશે

જો તમે વર્ષના છેલ્લા તહેવારોના દિવસો દરમિયાન હવાઈ મુસાફરી કરવાની યોજના ઘડી રહ્યા હો તો અત્યારે જ બુકિંગ કરાવી લેજો , કારણ કે નિષ્ણાતોના મતે , અત્યારે બુકિંગ કરાવનાર મુસાફરને જ શ્રેષ્ઠ ભાડામાં ટિકિટ મળી શકે એવી સ્થિતિ છે.

બેસ્ટ એર-ફેર ' લખીને ઇન્ટરનેટ પર થોડું સર્ચ કરતાં જાણવા મળે છે કે , જો ડિસેમ્બરના છેલ્લા 10 દિવસમાં પણ મુસાફરી કરવી હોય તો તેના માટેની ટિકિટ થોડીક વાજબી છે. પરંતુ પ્રવાસન સ્થળો માટેનાં ભાડાં તો આકાશે આંબી રહ્યાં છે.

વર્ષના છેલ્લા કેટલાક દિવસો દરમિયાન , મુંબઈથી કોલકાતાની ટિકિટ રૂ. 4,500 થી મળે છે , જ્યારે દિલ્હી-બેંગલોરની રૂ. 3,373 થી અને દિલ્હી-મુંબઈની ટિકિટ રૂ. 3,400 થી શરૂ થાય છે , પરંતુ પ્રવાસન સ્થળની ટિકિટનું અત્યારે બુકિંગ કરાવો તોપણ તેના ભાવ સાંભળીને ચક્કર આવી જાય!

ઉદાહરણ લઈને સમજીએ તો , 24 મી ડિસેમ્બરથી 29 મી ડિસેમ્બર દરમિયાન , ચેન્નાઈથી પોર્ટ બ્લેર વચ્ચેનું હવાઈ ભાડું રૂ. 11,700 છે. તો વળી , મુંબઈ-જોધપુર અને દિલ્હી-ત્રિવેન્દ્રમ્ની ટિકિટ પણ આટલી જ કિંમતમાં અને એ પણ મર્યાદિત વિકલ્પ પૂરતી જ ઉપલબ્ધ છે. તો શું આનો અર્થ એ થયો કે , દિવાળી પછી જે સ્થિતિ હતી (કેટલાક રૂટ પર હવાઈ ભાડાં આભ આંબતા હતા) તે ફરી જોવા મળશે ? નિષ્ણાતો હા પણ પાડે છે અને ના પણ.

કન્સલ્ટન્સી કંપની ઓક્ટસ એડ્વાઇઝર્સના એમડી મનીષ છેડાનું કહેવું છે કે , દિવાળી પછી જે ભીડ જોવા મળી હતી તે ફરી જોવા મળશે , પરંતુ પ્રવાસન સ્થળો પૂરતી જ. તેના માટેનું મોટા પાયે બુકિંગ તો થઈ પણ ચૂક્યું છે.વળી , આ વર્ષે માર્કેટ ઊંચકાઈ રહ્યું છે.

બર્ડ ગ્રૂપના અંકુર ભાટિયા કહે છે કે , ગયા વર્ષના નવેમ્બરની સરખામણીએ ચાલુ વર્ષના નવેમ્બરમાં માર્કેટ લગભગ પાંચ ટકા જેટલું ઉપર હતું. ડિસેમ્બરનું બુકિંગ 10-15 ટકા જેટલું વધારે રહે તેવી ધારણા છે. '' ભાટિયાના મતે , દિવાળી પછી ભારે ધસારો રહ્યો હતો , કારણ કે તે સમય દરમિયાન બિઝનેસ ચાલુ હોતો નથી અને તે સમયગાળો તહેવાર પછી તરત જ આવે છે એમ તેમણે કહ્યું હતું.

કેપીએમજીના ડિરેક્ટર (એરોસ્પેસ એન્ડ ડિફેન્સ) અંબર દુબેએ કહ્યું હતું કે , મુંબઈમાં રનવે બંધ હોવાને કારણે પિક સિઝનમાં કૃત્રિમ તંગી સર્જાઈ છે. સીટની ઉપલબ્ધતામાં 20 ટકાનો ઘટાડો થયો છે તે જ સમયે , એરલાઇન્સનો ફિક્સ્ડ ખર્ચ યથાવત્ રહ્યો છે. દિવાળી પછી જે હવાઈ ભાડાં હતાં તેટલાં જ હવાઈ ભાડાં જોવા મળશે જ , જોકે , ઉડ્ડયન મંત્રી દ્વારા જાહેરમાં નિંદા થવાથી થોડો ઘણો ઘટાડો જોવા મળી શકે છે.

દિવાળી પછી ટૂંકા સમયગાળામાં , દિલ્હી - મુંબઈ જેવા રૂટની ટિકિટ વધીને રૂ . 16,000-18,000 થઈ જતાં ડીજીસીએને કંપનીઓને આટલી ઊંચી ટિકિટ અંગે સ્પષ્ટતા માંગતી નોટિસ પાઠવવાની ફરજ પડી હતી . જોકે , આ વખતે ઓછામાં ઓછા 15 દિવસ પહેલાં ટિકિટ બુક કરાવવા સિવાય અન્ય કોઈ વિકલ્પ બચતો નથી , કારણ કે આ વખતે બુકિંગ ખૂબ જ વધારે છે એમ મહિન્દ્રા હોમસ્ટેય્સના વિમલા દોરાઈરાજુએ કહ્યું હ તું.


<a href="http://netspiderads2.indiatimes.com/ads.dll/clickthrough?slotid=36120" target="_blank"><img src="http://netspiderads2.indiatimes.com/ads.dll/photoserv?slotid=36120" border="0" width="462" height="48" alt="Advertisement"></a>

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports