Translate

BSE-NSE Ticker

Tuesday, October 7, 2014

ઓટો ઇન્શ્યોરન્સ વગર વાહન ચલાવવું ખર્ચાળ સાબિત થશે

નવો રોડ ટ્રાન્સપોર્ટ એન્ડ સેફટી બિલ સંસદમાં કોઈ પણ ફેરફાર વગર પસાર થઈ જશે તો વીમા કવચ વગર કાર કે મોટરસાઇકલ ચલાવવી ભારે પડી જશે. જોકે, આ બિલથી જનરલ ઇન્શ્યોરન્સ કંપનીઓને ભારે આર્થિક લાભ થવાનો છે.

કોઈ પણ બાઇક ચાલક ઓટો ઇન્શ્યોરન્સ વગર બાઇક ચલાવતો પકડાશે તો ~૧૦,૦૦૦નો દંડ થશે જ્યારે હળવાં વાહનો અને ઓટો રિક્ષાધારકો વીમા પોલિસી વગર વાહન ચલાવતા પકડાશે તો ~૨૫,૦૦૦નો દંડ થશે. કોઈ પણ કાર કે ટ્રક ચાલક વીમા પોલિસી વગર વાહન ચલાવતો પકડાશે તો ~૭૫,૦૦૦ જેવો ઊંચો દંડ ફટકારાશે. તેની સરખામણીમાં હાલના કાયદા હેઠળ કોઈ પણ વાહન માટે માત્ર ~૧,૦૦૦ના દંડની જોગવાઈ છે.

ખરડાનો મુસદ્દો 13 સપ્ટેમ્બરે મંત્રાલયની વેબસાઇટ પર મૂકવામાં આવ્યો હતો તેમાં લોકો તરફથી પ્રતિક્રિયા માંગવામાં આવી છે. આ અંગે લોકોનું ધ્યાન ખેંચાયું છે કારણ કે ડ્રાઇવરે શરાબ પીને વાહન ચલાવ્યું હોય કે અકસ્માતમાં બાળકનું મોત નીપજ્યું હોય તો તેમાં ભારે દંડ થશે.

વીમા વગરના વાહન માટે દંડનું પ્રમાણ હાલના સ્તરની સરખામણીએ અનેક ગણું વધારે છે. ખરડાના અંતિમ વર્ઝનમાં ફેરફાર નહીં હોય તો વીમા પોલિસીનો પ્રસાર અનેક ગણો વધી જશે. આ ખરડો મોટર વ્હિકલ્સ એક્ટ, 1988ના સ્થાને લાગુ પડશે.

બજાજ આલિયાન્ઝ જનરલ ઇન્શ્યોરન્સના મોટર ઇન્શ્યોરન્સના વડા વિજય કુમારે જણાવ્યું હતું કે, આ બાબત (વધારવામાં આવેલ દંડ) મોટર ઇન્શ્યોરન્સના ફેલાવામાં વધારો કરશે.

રોડ પર દોડતા કોઈ પણ વાહન માટે વીમો ફરજિયાત છે, પરંતુ ઘણા લોકો આ નિયમનો ભંગ કરે છે. ન્યૂ ઇન્ડિયા ઇન્શ્યોરન્સ દ્વારા કરવામાં આવેલો એક અભ્યાસ દર્શાવે છે કે, રોડ પરના લગભગ 70 ટકા બાઇક અને સ્કૂટર્સનો વીમો નથી હોતો. લગભગ 30 ટકા કાર અને ટ્રક પણ વીમો ઉતરાવ્યા વગર ચાલે છે. વીમા કંપનીના અધિકારીઓ કહે છે કે, નિયમ ભંગ બદલ દંડ વધવો જોઈએ તથા વારંવાર નિયમના ભંગ બદલ લાઇસન્સ રદ કરવાની સજા પણ ઉમેરવી જોઈએ.

આઇસીઆઇસીઆઇ લોમ્બાર્ડના મોટર ઇન્શ્યોરન્સના વડા સંજય દત્તા કહે છે કે, "વ્યક્તિને વાહન ચલાવવાની છૂટ જ ન મળે તે બાબત દંડ કરતાં પણ વધારે મહત્ત્વની છે. નવા નિયમ પ્રમાણે ત્રણ વાર નિયમનો ભંગ કરનારી વ્યક્તિ પોતાનું લાઇસન્સ ગુમાવશે. તેના કારણે શિસ્ત આવશે."

વાહનચાલકોમાં વીમાનો વપરાશ વધારવા ઇન્શ્યોરન્સ રેગ્યુલેટરી એન્ડ ડેવલપમેન્ટ ઓથોરિટી (ઇરડા) તેના નિયમોને હળવા કરી રહ્યું છે. તેણે લાંબા ગાળાની પોલિસી માટે મંજૂરી આપી છે, જેમાં દ્વિચક્રી વાહનો માટે થર્ડ પાર્ટી ઇન્શ્યોરન્સ સાથે ત્રણ વર્ષની પોલિસીનો સમાવેશ થાય છે.

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports