બજારમાં કોન્સોલિડેશન વખતે રોકાણની તક ઝડપવી જોઈએ

છેલ્લાં થોડાં વર્ષોમાં ઘણી બધી વૈશ્વિક મુશ્કેલીઓ આવી હોવા છતાં ભારતીય શેરોએ ખૂબ તંદુરસ્ત દેખાવ કર્યો છે . પરંતુ આશ્ચર્યજનક રીતે , રોકાણકારો ભારતમાં વ્યાજદરો મધ્યમ ગાળામાં ઊંચા રહેવાની શક્યતા છે તે હકીકત અંગે ચિંતામાં રહ્યા છે . ચિંતા એ મુદ્દે વધી છે કે ગયા વર્ષ કરતાં કિંમતો ઊંચી છે . સેન્સેક્સનો હાલનો એક વર્ષનો ફોરવર્ડ P/E 16.5 ગણો આકર્ષક છે , જે જાન્યુઆરી 2014 ના 15.6 ગણાથી માત્ર 6 ટકા ઉપર છે .

પ્રથમ તો આપણે સમજી લઈએ કે કિંમતો બહુ ઊંચી નથી . તેઓ છેલ્લાં બે વર્ષની સરેરાશથી માત્ર 11 ટકા ઊંચી છે . પરંતુ હકીકતમાં નફામાં ખરેખર વૃદ્ધિ થવાની કોઈને ધારણા ન હતી . છેલ્લાં ચાર ક્વાર્ટર્સમાં આપણે નફામાં સતત વધારો જોયો છે .

નાણાકીય વર્ષ 2015 માટે સેન્સેક્સના નફાનો અંદાજ જાન્યુઆરી 2014 થી સતત વધતો રહ્યો છે . કોર સેક્ટર્સમાં જોવા મળતું વેગમાન અને નાણાકીય વર્ષ 2015 ના પ્રથમ ક્વાર્ટરનાં પરિણામો જોતાં નાણાકીય વર્ષ 2015 અને 2016 માટેની આગાહી આગળ જતાં વધવાની શક્યતા છે .

આપણે સ્પષ્ટ રીતે સમજીએ છીએ કે કોર્પોરેટ અને ગ્રાહકનો વિશ્વાસ ઘણો વધુ છે અને ઘરેલું ખર્ચ એક વર્ષમાં વધશે . નજીકના ગાળામાં શેરોમાં વોલેટિલિટીને જોતાં ઇક્વિટીમાં ભાવિ વૃદ્ધિ માટે આ તંદુરસ્ત પાયો છે . આવા સંજોગોમાં ભારતીય ઇક્વિટી માટે સાચું P/E મૂલ્ય નક્કી કરવું ખૂબ મુશ્કેલ બનશે .

બીજું , જ્યારે ભારત સરકારના 10 વર્ષના વાસ્તવિક દરો સતત નીચે ગયા છે ત્યારે ઇક્વિટી માટે વ્યાજદરની ચિંતા ન કરવી જોઈએ . ભારતમાં વાસ્તવિક દર જાન્યુઆરીમાં 0.20 ટકા અને માર્ચમાં 0.70 ટકાથી વધીને હાલ 1.6 ટકા થયા છે . ગ્રાહક ભાવાંક માટે આરબીઆઇની લાંબા ગાળાની 8 ટકા અને નાણાકીય વર્ષ 2015 અને 2016 માટે 6 ટકાની આગાહીને જોતાં અમને લાગે છે કે વાસ્તવિક દરો વધુ સારા બનવાની શક્યતા છે .

આપણે સમજીએ છીએ કે વૈશ્વિક પરિસ્થિતિને ગણતરીમાં લીધા વિના ભારત માટે એક સૌથી મોટી ચિંતા સરકાર કેવી રીતે અને ક્યારે સુધારા નીતિઓનો અમલ કરે છે તેની છે . કેટલાંક નીતિલક્ષી પગલાં આપણે જોઈ ચૂક્યા છીએ પરંતુ તે બજારની અપેક્ષા સામે બહુ ઓછાં છે .

ચાર મોટાં રાજ્યો ( મધ્યપ્રદેશ , કર્ણાટક , બિહાર અને પંજાબ ) માં વિધાનસભાની ચૂંટણી ઓગસ્ટ 2014 માં યોજાશે , જે રાજ્યસભામાં એનડીએની તાકાત અને સુધારાની શરૂઆત પર અસર કરી શકે છે . નિ : શંક રીતે આ સમયગાળો કન્ઝમ્પશન અને ડ્યુરેબલ ગૂડ્ઝ માટે સારો હોય છે . પરંતુ ઐતિહાસિક આંકડા સૂચવે છે કે રાષ્ટ્રીય ચૂંટણી કરતાં રાજ્યસ્તરનાં સમીકરણો અલગ હોય છે .

આપણે સમજવું જોઈએ કે ઊંચા વ્યાજદરોની પરિસ્થિતિ થોડો સમય રહેવાની છે અને કંપનીઓએ આ હકીકતને એડ્જસ્ટ કરી છે . તેમણે તેમની કાર્યકારી મૂડી અને વૃદ્ધિના ગિયરને બદલ્યું છે . પરિણામે , નફાની ગુણવત્તા સુધરી છે . પરંતુ ઇન્ફ્રાસ્ટ્રક્ચર ક્ષેત્રોને ક્ષમતા અને મૂડી માટે અવરોધ નડે છે . આ મુદ્દા વ્યાપક રીતે સમજમાં છે અને મધ્યમ ગાળામાં તેમને હલ કરવામાં આ ‌ વશે .

વૈશ્વિક અને સ્થાનિક સ્તરોએ આજે વ્યાજદરની ચિંતાને જોતાં નજીકના ગાળામાં જોખમ છે . એફઆઇઆઇના રોકાણપ્રવાહ સાથે સંબંધિત આંતરરાષ્ટ્રીય ભંડોળનો ઉમેરો ખાસ કરીને ભારત માટે આ જોખમમાં ઉમેરો કરે છે . આ જોતાં ભારતના બજારમાં કોન્સોલિડેશન છે . આપણે તેને ઇક્વિટીની પોઝિશન્સ વધારવાની તક તરીકે લેવું જોઈએ .