સોનું ચાલુ વર્ષે ઘટીને રૂ.25,000 થવાની શક્યતા

વૈશ્વિક બજારને પગલે સોનાનો ભાવ ચાલુ નાણાકીય વર્ષમાં ઘટીને પ્રતિ 10 ગ્રામ રૂ .25,500-27,500 થવાની આગાહી ઇન્ડિયા રેટિંગ્સ એન્ડ રિસર્ચે કરી છે .

રેટિંગ એજન્સીના જણાવ્યા અનુસાર સોનાના સ્થાનિક ભાવમાં ઘટાડા માટે મુખ્યત્વે વૈશ્વિક બજાર કારણભૂત બનશે . 2014-15 માં વૈશ્વિક બજારમાં સોનાનો ભાવ હાલના 1,300 ડોલરથી ઘટીને પ્રતિ ઔંસ 1,150-1,250 ડોલર રહેવાનો અંદાજ છે .

સ્થાનિક બજારમાં સોનાનો ભાવ હાલ રૂ .29,500-30,000 ની રેન્જમાં છે . એજન્સીને 2014-15 માં અમેરિકા અને યુરોઝોનની જીડીપી વૃદ્ધિ વધુ મજબૂત થવાની ધારણા છે . તેને લીધે અન્ય ચલણ સામે અમેરિકન ડોલર મજબૂત બનશે . યુએસ ડોલર ઇન્ડેક્સ અને સોનાના ભાવ વચ્ચે સામાન્ય રીતે વ્યસ્ત સંબંધ હોય છે .

આગામી સમયમાં અમેરિકામાં વ્યાજદર વધવાની શક્યતા છે . તેને લીધે પણ સોનામાં રોકાણ બિનઆકર્ષક બનશે . વૈશ્વિક અર્થતંત્રમાં રિકવરીને પગલે ગોલ્ડ ઇટીએફમાં રોકાણકારોનો રસ ઘટવાની શક્યતા છે . ઇન્ડિયા રેટિંગ્સના જણાવ્યા અનુસાર 2014-15 માં વિશ્વની મધ્યસ્થ બેન્કો દ્વારા સોનાની ખરીદીનું વલણ ધીમું પડશે .

રેટિંગ એજન્સીએ 2013 ની તુલનામાં હાલ ફિઝિકલ માર્કેટમાં ઘણા નીચા પ્રીમિયમને કારણે સોનાના ભાવમાં ઘટાડાની આગાહી કરી છે . જોકે , અમેરિકા અને ઇયુની અંદાજ કરતાં નીચી જીડીપી વૃદ્ધિ , વિવિધ દેશો વચ્ચે તણાવ અને ચીનનાં આર્થિક બજારોની અનિશ્ચિતતા સોનાના ભાવને 1 , 300 ડોલરની પાર પહોંચાડી શકે