આણંદ વિધાનસભા બેઠક પર ભાજપનો વિજય, રોહિત પટેલની જીત

આણંદ: વડોદરા લોકસભા બેઠક સહિત ગુજરાતની 10 બેઠકોની આજે સવારથી જ મતગણતરી હાથ ધરવામાં આવી હતી. સવારે 10:30 વાગ્યા સુધીમાં એક લોકસભા અને 4 વિધાનસભાના પરિણામો જાહેર પણ થઇ ગયા હતા. ખાસ કરીને મણીનગર અને વડોદરા બેઠક પર નરેન્દ્ર મોદીના અનુગામી નક્કી થવાના હોવાથી આ બન્ને બેઠક પર સૌની નજર મંડાયેલી હતી. આણંદ વિધાનસભા બેઠક પર ભાજપના ઉમેદવાર રોહિત પટેલનો વિજય થયો છે જયારે કોંગ્રેસના ઉમેદવાર કાંતિ સોઢા પરમારનો પરાજય થયો છે. આણંદમાં ભાજપની 5,244 મતથી જીત થઇ છે જેથી કાર્યકરોમાં ઉત્સાહનો માહોલ જોવામળી રહ્યો છે.