Translate

BSE-NSE Ticker

Friday, September 12, 2014

જ્વેલર્સ ગોલ્ડ EMI સ્કીમ્સ ફરી શરૂ કરશે

કોલકાતા:માસિક હપતેથી સોનું ખરીદવાની સ્કીમ્સ નવા કંપની ધારા હેઠળ ગેરકાયદે ગણાતી હોવાથી જ્વેલર્સે આવી સ્કીમ્સમાં ફેરફાર કરવાનું શરૂ કર્યું છે. તેઓ ઘડામણી ચાર્જમાં 40 ટકા સુધી ડિસ્કાઉન્ટ ઓફર કરી રહ્યા છે અને હપતાનો ગાળો ઘટાડીને 11 મહિનાનો કરી નાખ્યો છે જેથી ગ્રાહકોનો બેઝ જળવાઈ રહે. અગાઉ તેઓ વર્ષમાં એક ફ્રી હપતો ઓફર કરતા હતા.

કેટલાક જ્વેલર્સે આવી સુધારેલી સ્કીમ્સ લાગુ કરી દીધી છે તથા ડિસ્કાઉન્ટ આપી રહ્યા છે તેમ ઓલ ઇન્ડિયા જેમ્સ એન્ડ જ્વેલરી ટ્રેડ ફેડરેશનના ભૂતપૂર્વ ચેરમેન બછરાજ બામલવાએ જણાવ્યું હતું. તેમણે કહ્યું કે ઘડામણી ચાર્જમાં ડિસ્કાઉન્ટ 20થી 40 ટકા સુધી હોય છે.

નવા કંપની ધારા પ્રમાણે જ્વેલર્સ ગ્રાહક પાસેથી હપતેથી નાણાં લઈને છેલ્લે સોનું આપતા હોય તો તેને ડિપોઝિટ ગણવામાં આવશે. નવા કાયદા હેઠળ કોઈ પણ ડિપોઝિટ સ્કીમમાં એક વર્ષથી વધારે ગાળા માટે પણ એટલું વળતર મળવું ન જોઈએ જે નોન બેન્કિંગ ફાઇનાન્સ કંપનીઓ દ્વારા અપાતા વળતર કરતાં વધારે હોય. એનબીએફસીમાં વાર્ષિક 12.5 ટકા સુધી વળતર ઓફર કરવાની છૂટ છે. જોકે, મોટા ભાગના જ્વેલર્સની ગોલ્ડ સેવિંગ્સ સ્કીમમાં ૧૫થી ૧૭ ટકા વળતર ઓફર થાય છે.

જે કંપનીઓ કાયદાની જોગવાઈનું પાલન કરતી ન હોય અને ડિપોઝિટ ચલાવતી હોય તેમણે 1 એપ્રિલ 2015 પહેલાં લોકોને ડિપોઝિટ પરત કરવી પડશે. નહીંતર તેમને દંડ કરવામાં આવશે. મુંબઈ સ્થિત મનુભાઈ જ્વેલર્સના ડાયરેક્ટર સમીર સાગરે જણાવ્યું હતું કે, અમને જાણવા મળ્યું છે કે કેટલાક જ્વેલર્સ આ પ્રકારની સ્કીમ ઓફર કરે છે જેમાં તેઓ ઘડામણ ચાર્જ પર ડિસ્કાઉન્ટ આપે છે. અમે આવી સ્કીમ્સ વિશે બહુ ઉત્સાહી નથી, પરંતુ અમે તેને સાવ નકારી પણ કાઢતા નથી. જો આવી સ્કીમ્સ મોટા પ્રમાણમાં શરૂ થાય તો અમારે તેના પર વિચાર કરવો પડશે.

કેરળ સ્થિત મલબાર ગોલ્ડ એન્ડ ડાયમંડના માર્કેટિંગ ડાયરેક્ટર અમજદ હુસૈને જણાવ્યું હતું કે તેમની કંપની કાયદાની મર્યાદામાં રહીને સોના માટે માસિક હપતાની યોજના શરૂ કરી શકે છે. સોનાનો ભાવ ઘટીને 10 ગ્રામ દીઠ રૂ.27,500 થયો હોવા છતાં તેની માંગમાં વધારો નથી થયો. તેના કારણે ગ્રાહકોને આકર્ષવા માટે જ્વેલર્સે આવી સ્કીમ્સની જાહેરાત કરવી પડે છે. જૂનમાં સમાપ્ત થયેલા ક્વાર્ટરમાં ભારતમાં અગાઉના વર્ષની સરખામણીમાં સોનાની માંગમાં 39 ટકા ઘટાડો થયો હતો

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports