મોદી કેમ ગયા બ્રાઝિલ, જાણો બ્રિક્સ દેશો સાથે સંકળાયેલી સાત મહત્વની વાતો

(બ્રિક્સ શિખર સંમેલન 2014ની પ્રતીકાત્મક તસવીર)

 

ફોર્ટલેઝાઃ બ્રાઝિલ, રશિયા, ભારત, ચીન અને દક્ષિણ આફ્રિકાનું સંયુક્ત ફોરમ એટલે બ્રિક્સ (BRICS). બ્રિક્સની જ વાર્ષિક બેઠકમાં ભાગ લેવા માટે પ્રધાનમંત્રી બ્રાઝિલ ગયા છે.

 

બ્રિક્સ અંગે સાત મહત્વની વાતો અહીંયા રજૂ કરવામાં આવી છેઃ

 

- બ્રિક્સનો આઇડિયા સૌથી પહેલા ઇન્વેસ્ટમેન્ટ બેંક ગોલ્ડમેન સાક્સના ચેરમેન જિમ ઓ નીલને 2001માં આવ્યો હતો.

- ડિસેમ્બર 2010 અગાઉ આ જૂથમાં દક્ષિણ આફ્રિકાનો સમાવેશ થયો ન હતો, ત્યારે આ સમૂહને 'બ્રિક'ના નામે જાણવામાં આવતું હતું. સંગઠનમાં સાઉથ આફ્રિકાનો સમાવેશ થયા બાદ તેમાં 'એસ' અક્ષર જોડવામાં આવ્યો ને બની ગયું 'બ્રિક્સ'.

- આ દેશોની વાર્ષિક બેઠક કોઇ પણ સભ્ય દેશના યજમાન પદ હેઠળ યોજાય છે. 2012માં બ્રિક્સની શિખર બેઠક ભારતમાં યોજાઇ હતી.

- વિશ્વના કુલ ઘરેલુ ઉત્પાદન (જીડીપી)માં આ પાંચ દેશોની ભાગીદારી 21 ટકા જેટલી છે. ગત 15 વર્ષોમાં વિશ્વભરના કુલ જીડીપીમાં આ દેશોની ભાગીદારી ત્રણગણી વધી છે.

- બ્રિક્સ દેશોમાં વિશ્વના અંદાજે 43 ટકા લોકો વસે છે.

- બ્રિક્સ દેશો પાસે કુલ મળીને અંદાજે 44 ખરબ ડોલરનું વિદેશી હૂંડિયામણ છે.  

 

- બ્રિક્સ દેશો વચ્ચેનો વેપાર અંદાજે 300 અરબ ડોલર સુધી પહોંચી ગયો છે. 2015માં આ આંકડો 500 અરબ ડોલર પહોંચશે તેવું અનુમાન છે, 2002માં આ આંકડો 27.3 અરબ ડોલર જેટલો હતો.

 

(માહિતી સ્ત્રોતઃ બ્રિક્સ દેશો અને ઇન્ટરનેશનલ મોનિટરી ફંડ)