કંપનીઓ માટે આઇપીઓ ભંડોળ એકત્ર કરવાનો ઘણો સારો વિકલ્પ છે . ઉપરાંત , તેને લીધે સોના સહિતની નિષ્ક્રિય એસેટ્સમાં રોકાયેલી બચત વૃદ્ધિલક્ષી ઇન્વેસ્ટમેન્ટ તરફ વળે છે . એક વરિષ્ઠ સરકારી અધિકારીએ કહ્યું હતું કે , જાહેર ક્ષેત્રની સારી કંપનીઓના ઇશ્યૂ રિટેલ રોકાણકારોને બજારમાં પાછા લાવી શકે .
વૃદ્ધિલક્ષી યોજના માટે ભંડોળ એકત્ર કરવા આઇપીઓ કંપનીઓને સારો વિકલ્પ પૂરો પાડે છે . યુટીઆઇ એએમસીમાં અમેરિકાની ઇન્વેસ્ટમેન્ટ કંપની ટી રોવ પ્રાઇસ 26 ટકા હિસ્સો ધરાવે છે . બાકીનો 74 ટકા હિસ્સો એસબીઆઇ , એલઆઇસી , બેન્ક ઓફ બરોડા અને પંજાબ નેશનલ બેન્ક પાસે છે . આઇપીઓને પગલે બેન્કો ભંડોળ એકત્ર કરી શકશે , જે તેમની મૂડી વધારવામાં મદદરૂપ બનશે . તમામ ચાર સ્થાનિક કંપનીમાં સરકાર બહુમતી હિસ્સો ધરાવે છે , જે યુટીઆઇ એએમસીમાં તેનું વજન વધારે છે .
ઇટીએ અગાઉ જણાવ્યું હતું કે , નાણામંત્રાલય પ્રાઇમરી માર્કેટ માટે નવાં ધોરણો તૈયાર કરી રહી છે . જેના ભાગરૂપે રિટેલ રોકાણકારોને પબ્લિક ઇશ્યૂમાં નોંધપાત્ર ફાળવણી કરાશે , જે તેમને આઇપીઓમાં રોકાણ કરવા આકર્ષશે . સેન્સેક્સ એક મહિનામાં 11 ટકા વધ્યો છે અને આગામી સમયમાં પણ બજારમાં સુધારો જળવાશે એવી શક્યતા છે . બજારમાં તેજી છતાં પ્રાઇમરી માર્કેટ બે વર્ષથી ઠંડું રહ્યું છે અને ચાલુ કેલેન્ડર વર્ષમાં વંડરલા હોલિડેનો એકમાત્ર આઇપીઓ આવ્યો છે .
યુટીઆઇ એએમસી એ યુટીઆઇ મ્યુચ્યુઅલ ફંડની 100 સ્કીમ્સનું સંચાલન કરે છે . જાન્યુઆરી - માર્ચ ત્રિમાસિક ગાળામાં ફંડ હાઉસની સંચાલન હેઠળની સરેરાશ એસેટ્સ રૂ .74,233 કરોડ હતી . 2012-13 માં યુટીઆઇ એએમસીએ રૂ .148.9 કરોડનો ચોખ્ખો નફો કર્યો હતો , જે એક વર્ષ અગાઉ રૂ .134.1 કરોડ હતો .
સેબીએ સરકારને જાહેર ક્ષેત્રની તમામ કંપનીઓમાં જનતાના ૨૫ ટકા હિસ્સાની જોગવાઈને લાગુ કરવા સરકારને લેખિતમાં જાણ કરી છે . એનો અર્થ એ થયો કે , સરકારે કોલ ઇન્ડિયા સહિતની સરકારી કંપનીઓએ ફરી પ્રાઇમરી માર્કેટમાં આવવું પડશે .
બજારમાં ઘણા પબ્લિક ઇશ્યૂ એકસાથે ન આવે એ બાબતને ધ્યાનમાં રાખીને ડિસઇન્વેસ્ટમેન્ટ વિભાગે યોજના ઘડવાની શરૂઆત કરી દીધી છે . ઉલ્લેખનીય છે કે , 2014-15 માં સરકારે ડિસઇન્વેસ્ટમેન્ટનો લક્ષ્યાંક રૂ .36 , 925 કરોડ નિર્ધારિત કર્યો હતો .
Indian Rupee Exchange Rate
No comments:
Post a Comment