Translate

BSE-NSE Ticker

Monday, June 9, 2014

બજેટ પહેલાં મંદીવાળા નહીં ફાવે: તેજી ચાલુ રહેશે

ગયા સપ્તાહે ભારતીય બજારના અણધાર્યા ઉછાળાએ રોકાણકારો અને ટ્રેડર્સને આશ્ચર્યમાં મૂકી દીધા છે . જુલાઈના પ્રથમ સપ્તાહમાં જાહેર થનારા બજેટમાં મોદી સરકાર અર્થતંત્રને પ્રોત્સાહિત કરવાનાં પગલાં જાહેર કરશે એવો આશાવાદ પ્રબળ બન્યો છે . એટલે નિષ્ણાતોના મતે બજેટ પહેલાં તેજી ચાલુ રહેવાની ધારણા છે .

સેન્સેક્સ અને નિફ્ટી શુક્રવારે નવી ઊંચાઈએ બંધ રહ્યા હતા અને બજેટ પહેલાં તેમાં ઓછામાં ઓછા પાંચ ટકાની વૃદ્ધિની શક્યતા છે એવો મત ફંડ મેનેજર્સ અને બ્રોકર્સે વ્યક્ત કર્યો છે . રોયલ બેન્ક ઓફ સ્કોટલેન્ડ પ્રાઇવેટ બેન્કિંગના ચીફ ઇન્વેસ્ટમેન્ટ ઓફિસર રાજેશ ચેરુવુએ કહ્યું હતું કે , બજાર જે રીતે વધી રહ્યું છે જોતાં બજેટ પહેલાં નિફ્ટી 8,000 ની સપાટીએ પહોંચી શકે . મોતીલાલ ઓસ્વાલ ફાઇનાન્શિયલ સર્વિસિસના ચેરમેન અને એમડી મોતીલાલ ઓસ્વાલે બજેટ પહેલાં સેન્સેક્સ 30,000 થવાની આગાહી કરી છે .

નિફ્ટી શુક્રવારે 7,583.40 અને સેન્સેક્સ 25,396.46 ની સપાટીએ બંધ રહ્યા હતા . ગયા સપ્તાહના ઉછાળાને લીધે ઘણા રોકાણકારો અને ટ્રેડર્સ ઊંઘતા ઝડપાયા હતા . તેમના એફઆઇઆઇ રોકાણના અગાઉના સપ્તાહના આંકડાને આધારે તેજી મર્યાદિત રહેવાની ધારણા હતી , પરંતુ ગયા સપ્તાહે એફઆઇઆઇના નોંધપાત્ર રોકાણને લીધે તેમની ગણતરી ઊંધી પડી હતી .

જૂનમાં ફોરેન પોર્ટફોલિયો ઇન્વેસ્ટર્સ ( એફપીઆઇ ) ભારતીય શેરોમાં લગભગ રૂ .7,000 કરોડ ઠાલવ્યા છે . પહેલાં વિદેશી રોકાણકારોએ મેના આખરી 8 માંથી ટ્રેડિંગ સત્રમાં વેચવાલી કરી હતી . ઉલ્લેખનીય છે કે , એફપીઆઇ સેબીએ વિદેશી રોકાણકારો માટે શરૂ કરેલી નવી કેટેગરી છે . જેમાં એફઆઇઆઇ અને તેમના પેટા એકાઉન્ટનો સમાવેશ થાય છે .

બ્રોકર્સને બજેટ પહેલાં એફઆઇઆઇ રોકાણમાં વધારો થવાનો અંદાજ છે . કારણ કે ઘણા વિદેશી ફંડ્સ ભારતીય બજારના મોમેન્ટમનો લાભ લેવા સક્રિય બનશે એવી ધારણા છે . ઉપરાંત , બજારમાં વધુ ઉછાળાથી ડેરિવેટિવ કોન્ટ્રાક્ટમાં શોર્ટ કવરિંગ પણ તેજીને વેગ આપશે .

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports