Translate

BSE-NSE Ticker

Tuesday, July 22, 2014

ઇન્ડિયાબુલ્સે હેનોવર સ્ક્વેર રૂ.1,550 કરોડમાં ખરીદ્યું

રિયલ્ટી ડેવલપર ઇન્ડિયાબુલ્સ રિયલ એસ્ટેટે લંડનના મેફેર વિસ્તારમાં સીમાચિહ્નરૂપ બિલ્ડિંગ 22 હેનોવર સ્ક્વેર રૂ .1,550 કરોડમાં ખરીદી લીધું છે . સ્કોટિશ વિન્ડોઝ ઇન્વેસ્ટમેન્ટ પાર્ટનરશિપના ઓક્શનમાં ઇન્ડિયાબુલ્સે 87,444 ચોરસ ફૂટની પ્રોપર્ટી હસ્તગત કરી છે . સ્કોટિશ વિન્ડોઝ ઇન્વેસ્ટમેન્ટ પાર્ટનરશિપ હવે એબરડીન એસેટ મેનેજમેન્ટનો ભાગ છે .

ઇન્ડિયાબુલ્સ સોદા માટેનું ભંડોળ આંતરિક સંસાધનો દ્વારા એકત્ર કરશે . કંપની બે વર્ષ પછી પ્રોપર્ટીને રિડેવલપ કરવાની યોજના ધરાવે છે અને વિવિધ મુદ્દે મંજૂરી મળે ત્યાં સુધી તે બિલ્ડિંગને આવક આપતી એસેટ તરીકે જાળવી રાખશે .

પ્રોપર્ટીનું લક્ઝરી રેસિડેન્શિયલ પ્રોપર્ટીમાં રૂપાંતર કરાશે એવી ધારણા છે . હાલમાં સમગ્ર પ્રોપર્ટી વૈશ્વિક પ્રોપર્ટી કન્સલ્ટન્ટ જેએલએલને ભાડે આપવામાં આવી છે અને બિલ્ડિંગની લીઝની મુદત 2017 સુધી છે .

ઉલ્લેખનીય છે કે , એપ્રિલમાં લંડનના વિખ્યાત બિલ્ડિંગને H 2 SO દ્વારા વેચવાનો નિર્ણય લેવાયો હતો . તાજેતરમાં H 2 SO કોલિયર્સ ઇન્ટરનેશનલનો ભાગ બન્યું છે . તેણે સ્કોટિશ વિન્ડોઝ ઇન્વેસ્ટમેન્ટ પાર્ટનરશિપને સોદા અંગે સલાહ આપી હતી . ઇન્ડિયાબુલ્સ ગ્રૂપના ચેરમેન સમીર ગેહલોતે સોદાને સમર્થન આપ્યું હતું . તેમણે જણાવ્યું હતું કે , “ ઇન્ડિયાબુલ્સ ગ્રૂપ રૂ .18,000 કરોડની મૂડીનું સંચાલન કરે છે અને ગયા વર્ષે તેણે કરવેરા પછી રૂ .1,800 કરોડનો નફો કર્યો હતો . અમે હવે રોકાણના વૈવિધ્યીકરણ તેમજ નફાને વિશ્વના જુદા જુદા ભાગોમાં રોકવાનું વિચારી રહ્યા છીએ . લંડન ઘણું સુરક્ષિત રોકાણ છે .

ડેવલપર લોધા જૂથે સેન્ટ્રલ લંડનમાં મેક્ ડોનાલ્ડ હાઉસ સહિત બે પ્રોપર્ટી ખરીદ્યા પછી સાત મહિનામાં ત્રીજો સોદો છે . ગેહલોતે જણાવ્યું હતું કે , “ છેલ્લાં કેટલાંક વર્ષોમાં લંડને પરિપક્વ રિયલ્ટી માર્કેટ હોવાનો સંકેત આપ્યો છે . 2008 ની કટોકટી સહિત વૈશ્વિક અર્થતંત્રની ચઢ - ઊતરમાં અહીં ભાવ સ્થિર રહ્યા છે . એટલે એશિયા , યુરોપ અને અમેરિકાના રોકાણકારો લંડનમાં રોકાણ કરવા આકર્ષાય છે . કારણથી તે વાજબી રોકાણ ઉપરાંત , સારું હેજિંગ પણ પૂરું પાડે છે .

ઇન્ડિયાબુલ્સે ખરીદેલી જાણીતી પ્રોપર્ટી બોન્ડ સ્ટ્રીટની નજીક મેફેરના મોકાના સ્થળે આવેલી છે . 2018 માં બોન્ડ સ્ટ્રીટ ક્રોસરેલ સ્ટેશનના પ્રારંભ પછી હેનોવર સ્ક્વેરનો સમાવેશ લંડનના ઉત્તમ કનેક્ટિવિટી ધરાવતા વિસ્તારોમાં થશે . ફ્રી - હોલ્ડ ટાઇટલ અને ઉત્કૃષ્ટ લોકેશનને કારણે ઓક્શનમાં ભારે રસ જોવા મળ્યો હતો . પ્રથમ તબક્કાના બિડિંગ પછી આખરી તબક્કામાં ભાગ લેવા કુલ ચાર પક્ષની પસંદગી કરાઈ હતી .

બોન્ડ સ્ટ્રીટ સ્ટેશનનું એક પ્રવેશ દ્વારા હેનોવર સ્ક્વેરના ઉત્તર - પશ્વિમ ભાગમાં રહેશે , જે બિલ્ડિંગથી માત્ર ૫૦ મીટર દૂર છે . ઉલ્લેખનીય છે કે , લંડનની પ્રોપર્ટીના ખરીદદારોમાં ભારતીય ધનકુબેરો મોખરે રહ્યા છે અને હવે ભારતીય ડેવલપર્સ પણ ત્યાં પ્રોપર્ટી ખરીદી રહ્યા છે .

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports