Translate

Friday, July 18, 2014

ગંગામાં સી પ્લેન્સ ઉતારો, સમુદ્રમાં બસ સવારી કરો

નરેન્દ્ર મોદી સરકાર ભારતમાં સી પ્લેન ઉડાડવાની , રિવર વે પર પેસેન્જર શિપ ચલાવવાની અને નેશનલ હાઈવેની સમાંતર હેલિપેડો બાંધવાની યોજના ધરાવે છે . તેના કારણે મુંબઈના દરિયાકિનારેથી કે ગંગા કિનારેથી ઉડાન ભરવાનું શક્ય બનશે અને ગમે ત્યારે હેલિકોપ્ટરમાં બેસવાનું મન થાય તો હાઈવે નજીક હેલિપેડ પર પહોંચી શકશો .

મુંબઈ જેવા સમુદ્રકિનારે આવેલાં શહેરોમાં ટ્રાફિક ઓછો કરવા માટે એમ્ફિબિયન બસો દોડાવવા પણ સરકાર વિચારે છે .
મહારાષ્ટ્ર ટૂરિઝમ ડેવલપમેન્ટ કોર્પોરેશન ઉપરાંત બોમ્બે પોર્ટ ટ્રસ્ટે સી પ્લેનની કામગીરી શરૂ કરવા મંજૂરી મેળવી લીધી છે . ભારતનાં તમામ 12 મોટા પોર્ટ પર અને 200 નાનાં પોર્ટ પર આવી સેવા શરૂ કરવાની યોજના ધરાવે છે .

શિપિંગ , રોડ પરિવહન અને ગ્રામીણ વિકાસ મંત્રી નીતિન ગડકરીએ જણાવ્યું હતું કે , અમે ખાનગી કંપનીઓને 4 સીટ ધરાવતાં અને 9 સીટ ધરાવતાં વિમાનનો ઉપયોગ કરવાની મંજૂરી આપીશું . તમે મુંબઈથી શિરડી જવા માંગતા હોવ તો તે શિરડીથી 10 કિમી દૂર ઉતરાણ કરશે . ત્યાંથી તમે ઊડીને નરિમાન પોઇન્ટ પાછા આવી શકશો . દિલ્હીમાં તમને યમુનામાં ઊતરવું હોય તો ત્યાં લેન્ડિંગ કરી શકશો અને ટેક - ઓફ પણ કરી શકશો .

શિપિંગ મંત્રાલયે એરપોર્ટ્સ ઓથોરિટી ઓફ ઇન્ડિયાની જેમ સી પોર્ટ ઓથોરિટી ઓફ ઇન્ડિયા સ્થાપવા માટે નાગરિક ઉડ્ડયન મંત્રાલય સાથે વાતચીત શરૂ કરી છે . ગડકરીએ જણાવ્યું હતું કે સરકાર એમ્ફિબિયન બસો શરૂ કરવા વિચારે છે જે મુંબઈ જેવાં શહેરોમાં પાણી તથા રોડ બંને પર દોડી શકશે .

તેમણે કહ્યું કે , જવાહરલાલ નેહરુ પોર્ટ ટ્રસ્ટ આવી બસ ખરીદી રહ્યું છે . મેં આવી બસ માત્ર ટીવી પર જોઈ છે . અમે એવી બસસેવા શરૂ કરવા વિચારીએ છીએ જે ટ્રાફિકમાં તથા ળમાર્ગ પર ઉપયોગી બને .

ભારતના એક લાખ કિલોમીટર લાંબા રાષ્ટ્રીય હાઈવે તથા મોટી નદીઓની આસપાસ મલ્ટિ મોડલ પરિવહન વિકલ્પો શરૂ કરવાની વિચારણા છે . તેના માટે દર 50 કિમીના અંતરે 2,000 એમેનિટી સેન્ટર શરૂ કરવામાં આવશે . તેમાં ટ્રક અને કાર માટે અલગ ડ્રાઇવર ક્લબ , મોલ , રેસ્ટોરાં , ઈંધણ સ્ટેશન અને હેલિપેડ હશે .

ગડકરીએ ઉદ્યોગજગતના વડાઓને જણાવ્યું હતું કે , અમે હાઈવેની સમાંતર પ્રોજેક્ટ મેનેજમેન્ટ અને સંયુક્ત સાહસ માટે બિડ મંગાવી છે . અમે તેમાં 10 લાખ લોકોને રોજગારી અપાવવા માંગીએ છીએ .

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports