Translate

BSE-NSE Ticker

Monday, July 7, 2014

ચોમાસુ નબળું રહેશે તો આ શેરોમાં તેજી જોવા મળી શકે છે

દેશમાં ચોમાસાની નબળી શરૂઆત થઈ છે . અલ નિનોને કારણે વર્ષે જૂન મહિનો 1951 પછીના સૌથી વધુ સૂકા મહિનાઓ પૈકીનો એક બન્યો છે . જોકે હજુ તમામ બાબતો ખરાબ બની નથી . ચોમાસાની નબળી સ્થિતિની અત્યાર સુધી શેરબજારના રોકાણકારોને અસર થઈ નથી .

હકીકતમાં જો ચોમાસામાં વરસાદ સરેરાશ કરતાં ઓછો આવશે તો કેટલીક કંપનીઓ ઊંચું વેચાણ નોંધાવી શકે છે . ભારતના હવામાન ખાતાના જણાવ્યા મુજબ ભારતમાં ગયા મહિના દરમિયાન માત્ર 92.4 મિલિમીટર વરસાદ નોંધાયો છે , જે 1951 અને 2000 ની વચ્ચેના સરેરાશ વરસાદ કરતા આશરે 43 ટકા ઓછો છે . જો ચોમાસાની ચિંતા ચાલુ રહેશે તો ઇન્વેર્ટર , કુલિંગ સોલ્યુશન્સ અને આઇસક્રીમ જેવા ક્ષેત્રમાં હાજરી ધરાવતી કંપનીઓના વેચાણમાં વધારો થઈ શકે છે .

જો ચોમાસુ સરેરાશ કરતાં નીચું રહેશે તો જે કંપનીઓને સૌથી વધુ લાભ થવાની શક્યતા છે તેવી કંપનીઓની અહીં યાદી છે .

વોલ્ટાસ : ભારતમાં એરકન્ડિશનર ક્ષેત્રમાં બજારમાં મોખરાનું સ્થાન ધરાવે છે . કંપનીના તેના એસીના ઊંચા વેચાણથી લાભ થઈ શકે છે કે ઊંચું તાપમાન કંપનીના સામાન્ય ઊંચા વેચાણના મહિના કરતાં પણ વધુ સમયગાળા સુધી રહેવાની ધારણા છે . ટાટા ગ્રૂપની કંપની એસી ક્ષેત્રમાં આશરે 19.8 ટકા બજારહિસ્સો ધરાવે છે . કંપનીના કૂલિંગ બિઝનેસ ડિવિઝને 2013-14 ના નાણાકીય વર્ષમાં તેના કુલ વેચાણમાં આશરે 39 ટકા હિસ્સો આપ્યો હતો .

બ્લૂસ્ટાર : મુંબઈમાં હેડક્વાર્ટર ધરાવતી કંપનીએ 2014-15 ના નાણાકીય વર્ષ સુધીમાં એરકન્ડિશનર સેગમેન્ટમાં તેના બજારહિસ્સાને વધારીને નવ ટકા કરવાની યોજના બનાવી છે . સમગ્ર દેશમાં ગરમીના મોજાથી કંપનીને તેના કૂલિંગ સોલ્યુશનનું વેચાણ વધારવામાં મદદ મળશે . કૂલિંગ પ્રોડક્ટ ડિવિઝને 2013-14 ના નાણાકીય વર્ષના ચોથા ક્વાર્ટરમાં કંપનીના કુલ વેચાણમાં આશરે 41 ટકા હિસ્સો આપ્યો હતો .

સિમ્ફની : એરકૂલર કંપનીના વેચાણ અને ઊંચા તાપમાનને સીધો સંબંધ છે . દેશમાં તાપમાન સરેરાશ કરતાં વધુ હોય તેવા મહિનામાં કંપનીનું વેચાણ ભૂતકાળમાં પણ ઊંચું રહ્યું છે . સિમ્ફની એરકૂલર સેગમેન્ટમાં બજારમાં મોખરાનું સ્થાન ધરાવે છે અને રૂ .3,000 કરોડના ઓર્ગેનાઇઝ્ડ માર્કેટમાં તેનો બજારહિસ્સો આશરે 40 ટકા છે .

એક્સાઇડ ઇન્ડસ્ટ્રીઝ : ઓટોમોબાઇલ અને ઇન્વર્ટર્સ માટે બેટર ઉત્પાદક કંપનીનું હોમ ઇન્વર્ટર સેગમેન્ટમાં બેટરીના વેચાણમાં વધારો થવાની ધારણા છે . એનાલિસ્ટ્સ માને છે કે હોમ ઇન્વર્ટર બેટરી તેના વેચાણમાં 20 ટકા યોગદાન આપે છે અને વીજળીની અછત ઊંચી રહેશે તો બેટરી વોલ્યુમના વોલ્યુમમાં વધારો થવાની ધારણા છે .

વાડીલાલ એન્ટરપ્રાઇઝ : 2012-13 ના વાર્ષિક અહેવાલ મુજબ કંપનીએ આઇસક્રીમ - ફ્રોઝન ડેઝર્ટ પ્રોડક્ટ્સમાંથી આશરે 96 ટકા આવક મેળવી હતી . ભારતમાં આઇસક્રીમનું કુલ માર્કેટ આશરે રૂ .3 , 000 કરોડનું હોવાનો અંદાજ છે . તાપમાન ઊંચું રહેશે તો આઇસક્રીમના વેચાણમાં વધારો થવાની ધારણા છે .

No comments:

Economic Event Calendar

Economic Calendar >> Add to your site

Best Mutual Funds

Recent Posts

Search This Blog

IPO's Calendar

Market Screener

Industry Research Reports

NSE BSE Tiker

Custom Pivot Calculator

Popular Posts

Market & MF Screener

Company Research Reports