ઉત્પાદન તારીખના મામલે અમૂલ સોશિયલ મીડિયા પર ચર્ચામાં

વ્હોટ્સએપ , ટિ્વટર અને ફેસબુક જેવા સોશિયલ નેટવર્કિંગ માધ્યમો પર સોમવારે દિવસભર ‘ અમૂલ ’ ચર્ચામાં રહી હતી . અમૂલના પેકેજ્ડ મિલ્ક પાઉચનો તારીખ સાથેનો ફોટોગ્રાફ (23 જુલાઈ 2014) દિવસભર સોશિયલ મીડિયામાં ફરતો રહ્યો હતો અને લોકો આ તારીખને ઉપયોગ કરવાની તારીખના બદલે ઉત્પાદનની તારીખ ગણી બેઠા હતા .

જોકે , ભારતની સૌથી મોટી ડેરીએ ગ્રાહકોને શાંત કરવા માટે ટિ્વટર પર સ્પષ્ટતા કરી હતી કે , “ ૨૩ જુલાઈ ૨૦૧૪ એ ‘ યુઝ બાય ડેટ ’ છે અને પેકેજિંગની તારીખ નથી . પેકિંગ પર પણ આ બાબત પ્રિન્ટ કરવામાં આવી છે . ” અમૂલનું સંચાલન કરતું ગુજરાત કો - ઓપરેટિવ મિલ્ક માર્કેટિંગ ફેડરેશન ( જીસીએમએમએફ ) ભારતનાં ૧૩ રાજ્યોમાં દૈનિક ૨૦૦ લાખ મિલ્ક પાઉચનું વેચાણ કરે છે .

જીસીએમએમએફના જનરલ મેનેજર ( પ્લાનિંગ એન્ડ માર્કેટિંગ ) જયેન એસ મહેતાએ જણાવ્યું હતું કે રવિવાર રાત્રિથી જ સોશિયલ મીડિયા પર અમૂલના મિલ્ક પાઉચની એક તસવીર વાઇરલ થઈ હતી જેમાં 22-07-2014 ની તારીખ દર્શાવવામાં આવી હતી અને તેને પેકિજિંગ તારીખ ધારી લેવાઈ હતી . આ અર્થઘટન ખોટું હતું પરંતુ હવે અમે આ બાબતે સ્પષ્ટતા કરી છે અને ગ્રાહકોની સમજમાં આ બાબત આવી છે .