2013માં સાઈબર ક્રાઈમથી દેશને રૂ.24,630 કરોડનો ચૂનો લાગ્યો

નવી દિલ્હી : દિલ્હીની વડી અદાલતમાં સુપરત કરાયેલા એક અહેવાલમાં જણાવાયા અનુસાર 2013 માં સાઈબર ક્રાઈમને કારણે દેશને 24,630 કરોડ રૂપિયાનો ચૂનો લાગ્યો છે . આ અહેવાલ અનુસાર 2013 માં જ ઈન્ટરનેટ સંબંધી ફ્રોડ દ્વારા જ ભારતને 4 અબજ ડોલર ( આશરે 24,630 કરોડ રૂપિયા ) નો ચૂનો લાગ્યો છે . સાયબર ગુનેગારો હવે ખુબ જ સરળ માધ્યમોનો ઉપયોગ કરી રહ્યા છે . દિલ્હી વિધિ સેવા ઓથોરિટી ( DLSA) મા ઓએસડી અને અધિક જિલ્લા ન્યાયમૂર્તિ સુરેન્દ્ર એસ રાઠી તરફથી આ અંગેનો તત્થ્યાત્મક અહેવાલ સુપરત કરવામાં આવ્યો છે . અદાલતે આદેશ આપ્યો છે કે અપરાધ ન્યાય વ્યવસ્થા ચલાવવા પર થનારા ખર્ચ સહિત અનેક મુદ્દાઓનો તુલનાત્મક અભ્યાસ કરવો જોઈએ .